Digwyddiad difrifol tân gwyllt yng Nglynebwy yn 'heriol' oherwydd y gwynt

MwgGwasanaeth Tân ac Achub De Cymru

Mae'r gwn yn ei gwneud hi'n anodd mynd i'r afael â'r tân gwyllt yn ôl Gwasanaeth Tân ac Achub De Cymru

Mae Gwasanaeth Tân ac Achub Canolbarth a Gorllewin Cymru wedi datgan digwyddiad difrifol yn dilyn tân gwyllt mewn rhostiroedd ger Cronfa Ddŵr Llangynidr yng Nglynebwy.

Mae swyddogion wedi bod yn brwydro'r fflamau drwy'r penwythnos a bore Sul fe ddywedon nhw fod yr ymgyrch yn parhau a bod mwg yn dal i effeithio ar gymunedau cyfagos.

Ychwanegodd Gwasanaeth Tân ac Achub De Cymru, sydd hefyd yno, ei bod hi'n "heriol [mynd i'r afael â'r tân] oherwydd y gwynt".

Mae sawl tîm wedi bod yno drwy gydol y penwythnos meddai'r gwasanaethau ac maen nhw'n treialu sawl dull o ddelio â'r fflamau.

Dywedodd Heddlu Dyfed-Powys fod contractwyr arbenigol ac asiantaethau partner hefyd yn rhan o'r gwaith, a bod offer arbenigol yn cael ei defnyddio.

Mae Ffordd Llangynidr wedi cael ei chau ac mae'r heddlu'n cynghori pobl i osgoi'r ardal.

Dilynwch Cymru Fyw ar Facebook, X, Instagram neu TikTok.

Anfonwch unrhyw syniadau am straeon i cymrufyw@bbc.co.uk neu cysylltwch drwy WhatsApp ar 07709850033.

Lawrlwythwch yr ap am y diweddaraf o Gymru ar eich dyfais symudol.