Cymru'n colli 43-0 yn erbyn De Affrica yn Durban
Sgoriodd Kurt-Lee Arendse chweched cais De Affrica wrth i'r Springboks drechu Cymru 43-0
- Cyhoeddwyd
Collodd Cymru 43-0 yn erbyn De Affrica yn nhrydedd gêm Pencampwriaeth y Cenhedloedd yn Durban.
Sgoriodd y Springboks saith cais wrth sicrhau buddugoliaeth bwynt bonws gyfforddus dros dîm Steve Tandy.
Methodd Cymru â chroesi'r llinell gais unwaith eto yn erbyn pencampwyr y byd, gyda chyfanswm y sgôr yn erbyn De Affrica dros y ddwy gêm ddiwethaf bellach yn 116-0.
Dyma ail golled Cymru yn olynol yn y bencampwriaeth, wedi'r golled yn erbyn yr Ariannin yr wythnos ddiwethaf.
Cafodd Ben Warren gerdyn melyn am dacl uchel yn yr ail hanner
Jasper Wiese agorodd y sgorio'n gynnar cyn i Cobus Reinach a Jesse Kriel ychwanegu dau gais arall i roi De Affrica ar y blaen 19-0 erbyn yr hanner amser.
Ychwanegodd Jaco Williams y pedwerydd cais eiliadau ar ôl yr ail hanner ddechrau cyn i Herschel Jantjies, Kurt-Lee Arendse a Paul de Villiers gwblhau'r sgorio.
Cafodd prop Cymru Ben Warren gerdyn melyn yn yr ail hanner am dacl uchel.
Mae'r fuddugoliaeth yn golygu bod De Affrica'n parhau ar frig tabl y byd ac ar frig tabl hemisffer y gogledd ym Mhencampwriaeth y Cenhedloedd.
Daeth tymor cyntaf Steve Tandy fel prif hyfforddwr Cymru i ben gyda naw colled a thair buddugoliaeth mewn 12 gêm ryngwladol.
O Bloemfontein i Durban - newid mawr mewn pedair blynedd i rygbi Cymru
- Cyhoeddwyd13 awr yn ôl
Ffrae am dâl rhwng chwaraewyr rygbi Cymru a'r undeb cyn gemau'r haf
- Cyhoeddwyd1 Gorffennaf
Y golled gartref waethaf erioed i Gymru yn erbyn De Affrica
- Cyhoeddwyd29 Tachwedd 2025
Dilynwch Cymru Fyw ar Facebook, dolen allanol, X, dolen allanol, Instagram, dolen allanol neu TikTok, dolen allanol.
Anfonwch unrhyw syniadau am straeon i cymrufyw@bbc.co.uk, dolen allanol neu cysylltwch drwy WhatsApp ar 07709850033.
Lawrlwythwch yr ap am y diweddaraf o Gymru ar eich dyfais symudol.
