Wetin be di 115 financial rules charges against Man City?
Wia dis foto come from, Tom McAtee
Manchester City dey guilty of breaking di majority of di 115 financial rules wey dem accuse dem ontop, sources tell BBC Sport.
Na February 2023 Premier League charge City wit di 115 financial breaches, afta di matta start from 2019.
The Athletic dey report say di sanctions neva dey decided but say independent panel don reach di decision, wia dem finding dem guilty of all but one count.
Sources tell BBC Sport say dem don make decision for di case, and City dey guilty of di majority of breaches.
Di Premier League no gree comment on dis matta.
Wen dem ask Man City if di report correct, City no comment too.
Instead dem release statement say dat di "Premier League process remain ongoing wit significant elements to be completed, and subject to strict confidentiality".
"Di club don diligently respect due process for eight years on di basis say di Premier League Board and Executive go behave as independent, impartial and fair-minded regulator, free from partisan influence," dem say.
BBC Sport sabi say if Manchester City dey defeated, dem go appeal against di findings.
Wetin be Man City charges
In total, Man City dey charged wit 115 breaches of Premier League regulations.
Di 115 charges breakdown to five different categories.
• 54x Failure to provide accurate financial information 2009-10 to 2017-18.
• 14x Failure to provide accurate details for player and manager payments from 2009-10 to 2017-18.
• 5x Failure to comply wit Uefa rules including Financial Fair Play (FFP) 2013-14 to 2017-18.
• 7x Breaching Premier League's PSR rules 2015-16 to 2017-18.
• 35x Failure to co-operate wit Premier League investigations December 2018 - Feb 2023.
Timeline of events of Man City charges
- November 2018: Football Leaks allegations emerge wit German newspaper Der Spiegel publishing claims say Man City breached FFP rules
- March 2019: Uefa launch formal investigation off di back of Der Spiegel findings
- May 2019: City criticise di investigation and launch appeal process
- November 2019: Di Court of Arbitration for Sport (Cas) say dem no accept City appeal
- February 2020: Uefa announce two-year ban for City from European competitions and 30m euro fine for di club
- July 2020: City European ban overturned afta Cas appeal
- July 2021: City lose jurisdiction ruling wey allow di media to report di Premier League as dem kontinue to investigate di champions for alleged financial breaches
- April 2022: Der Spiegel publish fresh report claiming di Premier League dey investigate di club for three years, providing detailed claims
- February 2023: Premier League charges City wit 115 financial breaches
- September 2024: Start of 10-week hearing between di Premier League and Man City on di 115 charges.
- February 2025: Former City manager Pep Guardiola say di club dey expected to learn di verdict "within one month".
- 2025: Verdict expected.
Manchester City statement
"Di Premier League process remain ongoing, wit significant elements to be completed, and subject to strict confidentiality. As such Manchester City FC position remain consistent wit di Club statement of February 2023."
"Di Club don diligently respect due process for eight years on di basis say di Premier League Board and Executive go behave as independent, impartial and fair-minded regulator, free from partisan influence."
