Трамптын шайлоо алдындагы талаштуу убадасы

Президент Трамп эгер республикачылардын партиясы ноябрдагы орто мөөнөттүү шайлоодо жеңишке жетсе, АКШдагы ар бир бойго жеткен жаранга ири өлчөмдө акча төлөнөрүн убада кылды. Бирок жалпы көлөмү болжол менен 1,3 триллион долларды түзгөн бул каражат кайдан алынары тууралуу маалымат берилген жок. Ошондой эле Дональд Трамптын мындай сунушу мыйзамды бузабы же жокпу деген суроо пайда болууда. Ал мындай билдирүүнү Техас штатындагы партиялык конференцияда жасады.