Popu Leo XIV ga-aka ụka 'Mass' n'Angola dịka njem ya n'Afrịka na-aga n'ihu

Popu Leo XIV na-efe aka site n'ụgbọala 'Popemobile' mgbe o rutere n'ọdọụgbọelu mba ụwa nke Luanda dị n'ụbọchị nke isii nke njem ndịozi ụbọchị iri na otu ya n'Afrịka,

16 Eprel 2026

Mgbe ikpeazụ e tinyere ya ozi ọhụrụ 19 Eprel 2026

Oge e ji agụ akụkọ nkeji 4

Onyeisi ụka Katọlik n'ụwa niile bụ Popu Leo XIV ga-aka ụka 'mass' dị nsọ n'obodo Kilamba nke mba Angola n'ụbọchị Sọnde 19 Eprel 2026 dịka njem mbụ ya n'Afrịka na-aga n'ihu.

Dịka ụlọmgbasa ozi 'Vatican News' si kwuo, Popu Leo ga-agakwa njem nleta n'ebe a ma ama na mba ahụ dịka 'Shrine of Muxima, ebe ọ ga-edu ndị ụka Katọlik kwere ekwe n'ekpere 'Rosary'.

Na Mọnde, ọ ga-aga Saurimo, ebe ọ ga-eleta ndị agadi ma kaa ụka 'Mass', tupu ọ laghachi Luanda, iji mechie nleta ya n'Angola.

N'ụtụtụ Tuzde, a na-atụ anya na Popu ga-aga Equatorial Guinea bụ ebe ikpeazụ ọ ga-akwụsị njem ndịozi ya nke mbụ n'Afrịka.

Skip Lee akụkọ ndị ọzọ ga-amasị gị ebe a and continue readingLee akụkọ ndị ọzọ ga-amasị gị ebe a

Ịran agbaala ụgbọmmiri ndị chọrọ isi n'ọwammiri 'Strait of Hormuz' agafe egbe18 Eprel 2026
Ụdị nri i kwesịrị iri n'ogogo ndụ gị dị iche iche11 Eprel 2026
Ihe mere m ji lụnye Aboy nwunye - Eze Chibuzor Gift Chinyere17 Eprel 2026

End of Lee akụkọ ndị ọzọ ga-amasị gị ebe a

Popu Leo XIV (n'aka ekpe) na-ekwe Onyeisiala Angola Joao Lourenco (n'aka nri) n'aka mgbe ha abụọ nzukọrọ n'obí Onyeisiala na Luanda.

Cheta na Popu Leo rutere Angola site n'ọdọụgbọelu mba ụwa nke Luanda tupu elekere atọ nke ehihie n'ụbọchị Satọde 18 Eprel 2026, dịka ọ nọrọ ụbọchị anọ na mba Kameruun.

Chetakwa na ọ bụ Onyeisiala João Manuel Gonçalves Lourenço, tinyere ụmụaka abụọ nyere ya okooko osisi nabatara Popu Leo n'ọdọụgbọelu mba ụwa nke Luanda mgbe o rutere na mba ahụ.

Mgbe ọtụtụ ndị Angola gbakọrọ n'igwe iji zute Pope Leo XIV baịra njem nleta na mba ha.

Popu Leo IV: Etu e si nabata ya na mba Kamerunu

Popu Leo XIV nọn'ime ugbọala, ji ọchị na-ekele ndị mmadụ na-anabata ya — Nkọwa foto, Popu Leo wuchịrị n'obodo Bamenda na Kamerunu ebe a na-alụ agha, mana mana ha kwụsịtụrụ agha a ka a nabata nnukwu ọbịa a.

Popu Leo XIV erutela Kamerunu maka ụkwụ nke abụọ na njem ya n'Africa, ka ọ gachara mba Ọljirịa.

Ndị nabatara ya n'ọdọụgbọelu Yaoundé Nsimalen International Airport gụnyere Praịm mịnịsta mba Kamerun bụ Josepgh Dion Ngute, Onye ji ọkwa Apostolic Nuncio na Kamerunu na Ekwitorịal, ndịisi ụka dị iche iche nakwa ọtụtụ ndị ụka katọlik ndị ọzọ.

Skip Akachasị Gụọ and continue reading

Akachasị Gụọ

End of Akachasị Gụọ

Ka ọ dị ugbua, Popu Leo nọ na-enwe ọgbakọ udo n'ụlọụka Saint-Joseph Cathedrak dị na Bamenda ebe ọtụtụ mmadụ pụtara n'igwe ma nabata ya.

Arcbishọpụ Bamenda bụ Andrew Nkea kwuru na ọbịbịa Popu Leo ga-enye ndị obodo ahụ agha metụtara kemgbe ọtụtụ afọ olileanya.

Nkea kwuru na oge a bụ oge udo nye Bamenda.

Ngwa ngwa o mechara nke, Popu Leo ga-aka ka n'ọdọụgbọelu Bamenda ebe ọ ga-enye oziọma udo.

Nkọwa foto, Ndị ọgbaa egwu pụtara ịnabata Popu Leo nke XIV

Popu Leo ga-aga obi ọchịchị mba Kamerun ebe ọ ga-anọ zute Onyeisiala Paul Biya nakwa ndịisi gọọmenti mba Kamerun.

Ọ ga-agakwa ụlọ ndị na-enweghị nne na nna dị n'isiobodo Kamerun, ma zute ndị Bishọpụ ụka Katọlik na mba ahụ.

Modestine Abomo bụ otu onye so n'otu ndị na-agba egwu bịara nabata, Popu Leo, kwuru na obi dị ya ụtọ na Popu Leo bịara njem na mba Kamerun.

O kwuru na ọ na-atụ anya na Popu ga-elebanye na mpaghara obodo ụfọdụ agha metụtara ma gbaa mbọ weta udo na kwụsị ogbugbu a na-egbe ndị mba Kamerun.

Ọ kọwara na ebubmobi ha bụ na ọbịbịa Popu Leo ga-eweta udo na mba Kamerun.

Nkọwa foto, Pope Leo XIV dịka ọ na-ekele ndị mba Kamerunu pụtara inabata ya

Ọtụtụ ndị so ndị na-akụ egwu n'obodo Bamenda — Nkọwa foto, Ndị ekpukperechi bụkwa ndị ọkụụ egwu

Popu Leo agwala ndịisi ọchịchị mba Kamerun ka ha gee ntị nye olu ụmụnwaanyị, ndị ntorobịa, nakwa na-ekweuchitere ndị ụwa na-atụ n'ọnụ n'ihi na ọ bụ ihe dị mkpa maka ọganihu obodo.

O kwuru na ndị ntorobịa dị oke mkpa n'obodo ma kwuo na akara aka Chukwu nyere ha bụ ihe dị mkpa.

Ọ kpọrọ oku ka gọọmenti tinye anya ma nye ndị ntorobịa iweta ezi agụmakwụkwọ, nye ha ọzụzụ iji hụ na ha etinyeghị aka na mpụ.

Popu Leo kwukwara na olu ụmụnwaanyị dị mkpa n'obodo ma kọwaa na ha nwere ọtụtụ uru ha na-aba nye mmepe obodo.

Cheta na dịka o meriri ntuliaka ọkwa onyeisiala nke ugboro asatọ ya, Onyeisiala Paul Biya kwere nkwa inye ụmụnwaanyị na ndị ntorobịa ohere iso n'ihe a na-eme n'ọchịchị ya.

Popu Leo kwuru okwu megide mpụ, nrụrụaka n'ụdị ọbụla ma kwuo mkpa ịkwanyere ikike ụmụafọ ugwu.