Wannan shafi ne da zai ke kawo muku labaran wasannin BBC Hausa daga 4 zuwa 8 ga watan Mayun 2026.
Mohammed Abdu
Wata damar rufewa karawar daga PSG. Dayot Upamecano ya ba da ƙwallo kyauta ga Khvicha Kvaratskhelia, wanda ya kuma aika ta ga Nuno Mendes.
Mendes ya buga kai tsaye daga nesa sosai (mita 35), amma Manuel Neuer bai yi nisa da layinsa ba, kuma ƙwallon ta fita waje ba tare da ta shiga raga ba.
Bradley Barcola ya yi wa Alphonso Davies keta a wajen akwatin bugun fanareti, kuma Bayern ta samu bugun tazara a wuri mai kyau.
Bayern Munich ta tsira da kyar! Khvicha Kvaratskhelia bai bugi ƙwallon da kyau ba duk da yana kusa da raga sosai.
Da ya zura wannan, da kusan an gama wasan gaba ɗaya kenan.
Ko Nicolas Jackson zai ceto Bayern a fatan kai wa zagayen karshe a Champions League? Ya shiga fili ya maye gurbin Jamal Musiala.
Asalin hoton, Getty Images
Bayern ta saka Alphonso Davies da Kim Min-jae, wadanda suka maye gurbin Josip Stanisic da kuma Jonathan Tah. Canjin masu tsaron baya guda biyu a take.
Masu tsaron bayan PSG sun hana Luis Diaz saka, shima harry Kane kamar baya wasan.
PSG ta saka Bradley Barcola ya maye gurbin wanda ya ci kwallon, Ousmane Dembele.
Asalin hoton, Getty Images
Wataƙila wannan ya taƙaita yadda Bayern ke taka rawa: An yi wata doguwar sa kai, amma a ƙarshe ƙwallon ta bugi alkalin wasa João Pedro Silva Pinheiro.
A taƙaice: ya kamata su buga kai kai tsaye maimakon yawan wasa da ƙwallo.
Kyakykyawan wasa daga Nuno Mendes na PSG, inda ya fito da ƙwallo daga bayan gida mai kyau, amma daga baya ya rasa ta.
Manuel Neuer ya tare kwallaye da yawa cikin daƙiƙu 35 fiye da duk abin da Matvey Safonov ya yi a duk tsawon wasan nan.
Asalin hoton, Getty Images
Wannan shi ne karo na biyu da mai tsaron ragar PSG, amma cikin sauri ya tare kwallon — irin wanda kowa zai iya yi.
Josip Stanišić bai buga ƙwallon da karfi ba daga waje da akwatin bugun fanareti, kuma ƙwallon ta rarrafa a hankali zuwa ga mai tsaron raga ba tare da wata barazana ba.
Idan har Bayern Munich tana son kai wa zagayen karshe sai ta kara sa kwazo, bayan da ta kasa fasa bayan PSG, kuma lokaci na ja.
If Bayern are really going to have a go, they'd better get on with it.
Aleksandar Pavlović na Bayern ya buga kwallo daga gefen akwatin bugun fanareti, amma ta fita ta yi fadi, har ta nufi kusan tutar kusurwa.
Asalin hoton, Getty Images
Harry Kane baya samun dama sosai a karawar yau. Har yanzu ana takura masa cikin akwatin bugun fanareti, inda aka ta tare kwallayen da yake bugawa.
Bayern ta buga kwallo zuwa raga sau 10, amma guda ɗaya kacal ne ya kai ga mai tsaron raga.
Kuma hakan yana nuna cewa ba su samu manyan damar zura ƙwallaye masu kyau ba a wannan wasan.
Abin tausayi ga Willian Pacho. Bayan ɗan lokaci kaɗan da Harry Kane ya gogar masa saman kansa da takalminsa, sai kuma Konrad Laimer ya buge shi a fuska da gwiwar hannu.
An tsayar da wasan sakamakon raunin kai da dan wasan da PSG, Willian Pacho ya ji.
Asalin hoton, Getty Images
