KAI TSAYE, Labaran wasannin BBC Hausa daga 26 ga Afirilu zuwa 1 ga watan Mayun 2026

Rahoto kai-tsaye

Mohammed Abdu

1. Sa'o'i 4 da suka wuceAn kafa tarihi!, PSG 5-4 Bayern Munich

   Wannan ne wasan kusa da na ƙarshe na gasar Champions League da aka fi zura ƙwallo a tarihi.

   Ya yi daidai da wasan Rangers da Eintrancht Frankfurt a zamanin da ake buga gasar European Cup, inda aka tashi wasan Rangers 3-6 Eintracht Frankfurt a kakar wasa ta 1959-60

2. Sa'o'i 4 da suka wuceAN TASHI WASA: PSG 5-4 Bayern Munich, PSG 5-4 Bayern Munich

   An tashi wasa PSG na gaba da ƙwallo ɗaya.

   Akwai sauran kallo a falle na biyu!

   Wannan ne karon farko da PSG ta doke Bayern Munich tun daga 7 ga watan Afrilun 2021.

   Magoya bayan Bayern Munich sun miƙe tsaye domin jinjina wa ƴan wasansu waɗanda suka yunƙuro bayan an danna su ƙasa.

   Daga 5-2 suka yunƙura aka tashi 5-4.

3. Sa'o'i 4 da suka wuce, PSG 5-4 Bayern Munich

   Bayern na dannawa, tana son ta samu ƙwallo ta biyar kafin a tashi.

   Bayern ta cire Aleksandar Pavlovic ta sako Nicolas Jackson.

4. Sa'o'i 4 da suka wuceAn ƙara minti huɗu, PSG 5-4 Bayern Munich

5. Sa'o'i 4 da suka wuce, PSG 5-4 Bayern Munich (Minti 89)

   Achraf Hakimi ya ja ƙwallo da gudu sai kuma kawai ya tsaya ya riƙe cinyarsa.

   Wannan ba abu ne da PSG za ta ji daɗi ba.

6. Sa'o'i 5 da suka wucePSG ta yi canjin ƴan wasa, PSG 5-4 Bayern Munich (Minti 85)

   An sako Lucas Hernandez da Senny Mayulu, an cire Khvicha Kvaratskhelia da Nuno Mendes.

7. Sa'o'i 5 da suka wuceAn shiga minti 10 na ƙarshe!, PSG 5-4 Bayern Munich (Minti na 81)

   Mene ne kuma za mu gani kafin a tashi wannan wasa?

8. Sa'o'i 5 da suka wuceHakimi ya samu kati, PSG 5-4 Bayern Munich (Minti na 80)

   Shi ma Achraf Hakimi ya kamu katin gargaɗi.

9. Sa'o'i 5 da suka wuceCanjin ɗan wasa, PSG 5-4 Bayern Munich (Minti na 79)

   Bayern ta cire Jamal Musiala ta sako Leon Goretzka.

10. Sa'o'i 5 da suka wuceKatin gargaɗi, PSG 5-4 Bayern Munich (Minti na 78)

    Michael Olise na ta wahalar da ƴan PSG har ta kai ga Fabian Ruiz ya samu katin gargaɗi.

11. Sa'o'i 5 da suka wuce, PSG 5-4 Bayern Munich

    Abin ba a cewa komai, wannan wasa sai wanda ya gani.

12. Sa'o'i 5 da suka wuceƘWALLO A RAGA: PSG 5-4 Bayern Munich, Luis Diaz (Minti na 68)

    Da farko ba a bayar da ƙwallon ba amma daga baya an ce ta ciyu.

    Liuz Diaz daga gefe ya jefa ƙayatacciyar ƙwallo ta gefen ƙarfen raga bayan samun fasin daga Harry Kane.

    Yanzu wasa 5-4!!

13. Sa'o'i 5 da suka wuce, PSG 5-3 Bayern Munich

    An zura ƙwallo TAKWAS, ga shi kuma akwai sauran mintuna 25 kafin a kammala wasa.

14. Sa'o'i 5 da suka wuceƘWALLO A RAGA: PSG 5-3 Bayern Munich, Dayot Upamecano (Minti na 65)

    An saka wata ƙwallo!

15. Sa'o'i 5 da suka wuceCanjin ɗan wasa, PSG 5-2 Bayern Munich

    PSG ta cire Warren Zaire-Emery ta sako Fabian Ruiz.

16. Sa'o'i 5 da suka wuceƘWALLO A RAGA: PSG 5-2 Bayern Munich, Ousmane Dembele (Minti na 59)

    Wasa ya ƙare!

    Bayern na dannawa gaba amma da alama abin da PSG ke so kenan.

    Desire Doue ya jefa wa Ousmane Dembele ƙwallo daga nesa, ya wuce mai tsaron baya Dayot Upamecano ya jefa ƙwallo a raga.

17. Sa'o'i 5 da suka wuceƘWALLO A RAGA: PSG 4-2 Bayern Munich, Khvicha Kvaratskhelia (Minti na 56)

    PSG suna da kyau!

    An mayar wa Neuer da ƙwallo amma ba yadda ya dace ba, sai kawai ya buga ƙwallon waje amma sai ta faɗa ƙafar Achraf Hakimi, shi kuma ya tura ƙwallo zuwa ƙafar Khvicha Kvaratskhelia inda shi kuma nan take ya ƙarasa da ita cikin raga.

18. Sa'o'i 5 da suka wuceBayern ba ta nuna gajiyawa, PSG 3-2 Bayern Munich

    Bayern na nuna dagiya. Sun tsare baya kuma suna danna PSG.

19. Sa'o'i 5 da suka wucePSG ta kai kora, PSG 3-2 Bayern Munich )Minti na 53)

    Ousmane Dembele ya kai kora mai kyau inda hakan ya jefa Manuel Neuer cikin razani.

20. Sa'o'i 5 da suka wuce, PSG 3-2 Bayern Munich

    Za mu ga yadda za ta kaya a wannan yanayi bayan dawowa daga hutun rabin lokaci.

    PSG za ta iya tunanin ita ce za ta samu nasara, ita kuma Bayern za ta yi ƙoƙarin ganin an tashi tana sa ran zuwa wasan ƙarshe.