Lafiya Zinariya: Cutar da ke sa mata gemu da mayar da muryarsu kamar ta maza
An wallafa
Ku latsa lasifikar da ke sama don sauraron cikakkiyar hirar Fauziyya Kabir Tukur da likita kan hakan:
Polycystic Pvarian Syndrome ko PCOS na daya daga cikin manyan abubuwan da ke hana mata haihuwa, sannan take bai wa mata wasu na'ikan jikin maza.
Har yanzu ba a gano takamaiman abin da ke haifar da wannan cuta ba, amma likitoci na ganin cewa ana gadon ta.
Cuta ce da ke fara bayyana a lokacin da 'ya mace ta balaga, wato ta soma jinin al'ada kuma a kan gano a lokacin amma a wasu ba a sanin cewa da wannan cuta har sai mace ta yi aure ta fara neman haihuwa.
Dakta Surayya Awwal Sulaiman, ta babban asibitin Tarayya da ke Abuja a Najeriya ta yi bayani kan wannan cuta da illolinta a jiki da kuma irin taimakon da ake bai wa masu fama da ita.
