BBC News, Gahuza
Simbira ku birimwo

IKIBIRIRAHO, Kenya: Abikekwa guturira uburaro bw’ishure bagiye gukurikiranwa ku vyaha 16 vy’ubwicanyi

Abanyeshure bo muri Kenya bikekwa kugira uruhara mu muriro waturiye uburaro bw’ishure ugahitana abantu 16 bagiye gukurikiranwa ku vyaha 16 vy’ubwicanyi, nk’uko vyemejwe n’umushikirizamanza mukuru.

Incamake

Kenya: Abikekwa guturira uburaro bw'ishure bagiye gukurikiranwa ku vyaha 16 vy'ubwicanyi

Amakuru y'ikibiriraho

Didier Bikorimana na Gildas Yihundimpundu

  1. Amerika 'yahaye' DR Congo umuti ukiri mu igerageza wa Ebola ngo ukoreshwe ku barwayi

    Amatsinda y'abakozi bo mu muryango wa Croix-Rouge na Croissant-Rouge bategura aho gushyingura, mu irimbi rya Mbiyo, imfubyi ya kane yishwe na Ebola, yo mu kigo cy'imfubyi cy'i Bunia, mu ntara ya Ituri, muri Repubulika ya Demokarasi ya Congo. Ifoto yo ku itariki ya 19 Kamena (6) mu mwaka wa 2026.

    Ahavuye isanamu, AFP via Getty Images

    Insiguro y'isanamu, Kugeza ku itariki ya 21 y'uku kwezi, abantu 1,048 bari bamaze kwemezwa ko banduye Ebola muri DRC naho abandi 267 yarabishe

    Amerika yatanze doze z'umuti ukiri mu igerageza w'ubwirinzi bw'umubiri w'uruganda Mapp Biopharmaceutical rwo muri icyo gihugu kugira ngo ukoreshwe mu igeragezwa ku barwayi mu rwego rwo kurwanya ikiza kirimo kwiyongera muri Repubulika ya Demokarasi ya Congo (DRC), nkuko bitangazwa n'ibiro ntaramakuru Reuters, bisubiramo amagambo y'umuvugizi wa minisiteri y'ubuzima y'Amerika.

    Iyi ni impinduka ku ho Amerika yari ihagaze kuko uwo muti yawugeneraga Abanyamerika gusa.

    Inkuru irambuye hano

  2. Kenya: Abikekwa guturira uburaro bw’ishure bagiye gukurikiranwa ku vyaha 16 vy’ubwicanyi

    Incuti n’imiryango y’abanyeshure bari bishikiye kw’ishure ivyago vyabereyeko mu gihe amatohoza yariko arabandanya (ifoto mbarankuru)

    Ahavuye isanamu, Andalou via Getty Images

    Umushikirizamanza mukuru muri Kenya (DPP) yemeje ko abanyeshure bikekwa kugira uruhara mu muriro wadutse kw’ishure ryisumbuye Utumishi Girls School, ugahitana abanyeshure 16, bagiye gukurikiranwa ku vyaha 16 vy’ubwicanyi.

    Ivyo vyago vyabaye ku wa 28 Rusama (5) kuri iryo shure riri i Gilgil, nko ku birometero 120 mu buraruko bushira uburengero bwa Nairobi, umurwa mukuru wa Kenya. Abanyeshure 79 barakomeretse, ariko benshi muri bo baramaze kuva mu bitaro.

    Mw’itangazo yasohoye ku wa kabiri, umushikirizamanza mukuru yavuze ko yasuzumye dosiye y’itohoza ry’ibanze yashikirijwe n’urwego rw’igihugu rujejwe amatohoza ku vyaha (DCI), maze yemeza ivyaha abo banyeshure bakurikiranwako.

    Iryo tangazo rigira riti: “Abikekwa bazokurikiranwa ku vyaha 16 vy’ubwicanyi bikomoka ku vyabaye.”

    Uwo muriro ni kimwe mu vyago vya mbere bikomeye bimaze guhitana abantu benshi kw’ishure muri iyi myaka ya vuba, kandi watumye impungenge ku mutekano mu mashure ziyongera.

    Umushikirizamanza mukuru yanaburiye ko ibitero vyo guturira inyubakwa n’ibindi vyaha bikorerwa mu mashure hirya no hino mu gihugu biriko biriyongera, ashimangira ko abazogaragara ko babigizemwo uruhara bazobihanirwa hakurikijwe amategeko.

    Ubushikirizamanza bwifadikanije n’imiryango yabuze abayo muri ivyo vyago, bwiyemeza kandi gukurikirana iyi dosiye gushika ironse ubutungane bubereye, budahengamye kandi bushingiye ku vyemezo.

    Abikekwa kugira uruhara bitegekanijwe ko bazokwitaba muri sentare kugira baburanishwe ku vyo bakurikiranwako.

    Izindi nkuru wosoma:

    Alice Mbere: 'Nahawe imiti ngo nzakure'

    'Mfite ibitsina gore bibiri, wenda nzahura n'Umusamariya mwiza ushobora kumva ikibazo cyanjye'

    Kugura ibirwanisho: Ibihugu 10 vya mbere bigura ibirwanisho vyinshi muri Afrika yo musi ya Sahara

  3. Mwaramutse neza!

    Ikaze kuri BBC Gahuzamiryango, aho tubashikiriza amakuru yo mu karere no mu makungu mu buryo bw'ikibiriraho.