IKIBIRIRAHO, Umukinnyi wa basketball Nate Ament yagizwe ambasaderi w'u Rwanda w'uwo mukino ku isi

Amakuru y'ikibiriraho

Chançard Abimana, Didier Bikorimana na Latifa Mutesi

1. Haciye isaha 1Ghana: Imyuzure ikomeye yateye umurwa mukuru yica abantu 13

   Abantu n'imiburiburi 13 baramaze gupfa mu gisagara ca Accra, umurwa mukuru wa Ghana, inyuma y'uko imvura nyinshi cane iguye igateza imyuzure ikomeye, nk’uko vyatangajwe n'ikigo ca Ghana kijejwe kuzimya umuriro cagize uruhara mu bikorwa vy'ubutabazi.

   Reta yasavye abanyagihugu kuguma mu nzu canke bakaja ahantu hasa n'ahari hejuru, inyuma y'aho ikigo kijejwe gukurikirana ibijanye n'ibihe n'ikirere kivuze ko hitezwe iyindi mvura nyinshi, kuko hari igihuhusi gikomeye kiriko kiraza gituruka mu buseruko.

   Naho amazi yatewe n'imvura yaguye mw'ijoro ryo ku wa Mungu yatanguye kugabanuka, ibikorwa vyo kurondera no gutabara ababuriwe irengero biracabandanya.

   Abajejwe ubutabazi muri Ghana bavuga ko igitigiri c'abamaze gupfa gishobora kwiyongera.

   Ahantu hasan'aharihasi cane niho hasinzikajwe cane n'iyo myuzure.

   Amashusho ariko arakwiragira ku mbuga ngurukanabumenyi yerekana amazu n'imiduga vyarengewe n'amazi, mu gihe inyubakwa nyinshi zasenyutse canke zononekaye bikomeye.

   Imigwi y'abajejwe gutabara yararungitswe muri ako karere kasinzikajwe n'imyuzure, harimwo igipolisi, abajejwe kuzimya umuriro, igisirikare hamwe n'ikigo c'igihugu kijejwe gukinga ibiza.

   Ubushikiranganji bw'intwaro yo hagati bwavuze ko iyo mirwi yarungitswe kugira ikurikirane uko ibintu vyifashe no gukingira ubuzima bw'abanyagihugu hamwe n'ibintu vyabo.

   Abajejwe gutabara muri Ghana bavuga ko gushika ubu bamaze gutabara abantu barenga 470.

   Izindi nkuru wosoma:

   Ayandi makuru yacu mushobora kuyakurikira kuri YouTube kuri BBC News Gahuza

   Ibihugu vya Afrika na Karayibe birasaba ibihugu vyakoze ubucakara gusaba imbabazi ku mugaragaro

   'Icaha kibi kurusha ibindi vyose kuri zina muntu': Ingingo ya ONU ku bucakara isiguye iki?

2. Haciye amasaha 3Sudan: Raporo ya Amnesty ishinja umutwe wa RSF gukora ibyaha byibasiye inyokomuntu i el-Fasher

   Raporo y’umuryango uharanira uburenganzira bwa muntu Amnesty International ishinja umutwe witwara gisirikare wa Rapid Support Forces (RSF) wo muri Sudan gukora ibyaha byibasiye inyokomuntu no kumenesha (kwirukana) abantu hashingiwe ku bwoko bwabo, mu gitero cyo gufata umujyi wa el-Fasher mu mwaka ushize.

   Igotwa hamwe n’ifatwa ry’uwo mujyi wo mu karere ka Darfur ko mu burengerazuba bw’icyo gihugu, ryabaye kimwe mu bihe byiciwemo abantu benshi cyane muri iyi ntambara hagati ya RSF n’ingabo za Sudan.

   Raporo y’iperereza Amnesty yasohoye kuri uyu wa gatatu igira iti: “Ibyaha bya RSF birimo ubwicanyi, kwimura abantu ku gahato, gufunga, iyicarubozo, gufata abagore n’abakobwa ku ngufu, ubucakara bushingiye ku gitsina, ubundi buryo bw’ihohotera rishingiye ku gitsina, kugira abantu abacakara, itsembatsemba n’itoteza.”

   RSF nta cyo yatangaje kuri iyi raporo ya Amnesty ariko mu gihe cyashize yahakanye ibirego nk’ibyo.

   Sudan iracyari mu ntambara imaze imyaka itatu yo kugundanira ubutegetsi hagati y’ingabo za Sudan n’umutwe wa RSF.

   Iyi ntambara imaze kwicirwamo abantu babarirwa mu bihumbi amagana, ndetse yatumye abandi barenga miliyoni 14 bata ingo zabo.

   Iyi raporo ya Amnesty yiyongereye ku bimenyetso by’ubwicanyi ndengakamere i el-Fasher, Umuryango w’Abibumbye uvuga ko bihuye n’ibiranga jenoside.

   Izindi nkuru wasoma:

   Ayandi makuru yacu mushobora kuyakurikira kuri YouTube kuri BBC News Gahuza

   Imvo n'Imvano ku ntambara yo muri Sudani

   Gukurikirana telefone byagaragaje uko abacanshuro bo muri Colombia bafashije RSF gufata umujyi muri Sudan

3. Haciye amasaha 4Kylian Mbappé yaciye umuhigo mu mikino yo gukuranamo mu gikombe cy'isi

   Kylian Mbappé yaciye umuhigo wo kuba umukinnyi umaze gutsinda ibitego byinshi mu mikino yo gukuranamo y’igikombe cy’isi, nyuma yo gufasha Ubufaransa kunyagira Suède ibitego 3-0.

   Mbappé yatsinze igitego muri buri gice cy’umukino, bituma ageza ku bitego 10 yatsinze mu mikino yo gukuranamo mu gikombe cy'isi, aba uwa mbere ubigezeho.

   Uyu rutahizamu kandi yahise anganya ibitego na Lionel Messi wa Argentine ku mwanya wa mbere mu bakinnyi bamaze gutsinda ibitego byinshi muri iri rushanwa ry'uyu mwaka, kuko bombi bafite ibitego bitandatu.

   Paraguay, yasezereye Ubudage ku wa mbere, ni yo izakina n'Ubufaransa ku wa gatandatu mu mukino wa 1/8 uzabera i Philadelphia muri Amerika, saa tanu z'ijoro (23:00) ku isaha yo mu Rwanda no mu Burundi.

   Ayandi makuru yacu mushobora kuyakurikira kuri YouTube kuri BBC News Gahuza

   Igikombe cy'isi 2026: Ni ibihe bihugu bimaze gusezererwa?

   Ni nde uzatwara igikombe cy'isi cya 2026?

   Ngaba abafana ba ruhago bahembwa $50,000 kugira ngo barebe imikino yose y'Igikombe cy'Isi

4. Haciye amasaha 5DR Congo: Africa CDC irasaba inkunga yihutirwa ya miliyoni $18 yo gufasha mu igeragezwa ry'imiti ya Ebola

   Ikigo cy'Afurika cyo kurwanya no gukumira indwara (Africa CDC) cyasabye inkunga yihutirwa ya miliyoni 18 z’amadolari y’Amerika igamije gufasha igeragezwa ry’imiti ya Ebola muri Repubulika ya Demokarasi ya Congo (DRC), nkuko bitangazwa n'ibiro ntaramakuru Reuters.

   Ayo agera kuri miliyari 26 uyavunje mu mafaranga y'u Rwanda.

   Iki kigo cyaburiye ko gutinda kubona iyo nkunga bishobora kubangamira imbaraga zo gukumira ikwirakwira ry'icyo kiza.

   Africa CDC isabye iyi nkunga mu gihe amageragezwa y'imiti ku barwayi ateganyijwe gutangira muri iki cyumweru i Bunia, umurwa mukuru w’intara ya Ituri, ahagaragaye abarwayi ba mbere banduye Ebola yo muri ubu bwoko bwa Ebola.

   Kugeza ubu nta muti cyangwa urukiko byemejwe biriho bya Ebola Bundibugyo.

   Umukuru wa Africa CDC, Dr Jean Kaseya, yavuze ko ubu muri rusange icyo kigo gifite inkunga yo mu bikorwa by'ubushakashatsi ku nkingo ariko ko inkunga ijyanye n'imiti ikiri nkeya.

   Yagize ati: “Dufite ubumenyi bwa siyansi. Ubu dukeneye inkunga yo kubukoresha. Igeragezwa ry'imiti ku barwayi rigomba gutangira muri iki cyumweru, kandi buri munsi wo gutinda uhitana ubuzima twari gushobora kurokora.”

   Africa CDC yahamagariye za leta, amabanki y’iterambere, imiryango y’abagiraneza ndetse n’abandi bafatanyabikorwa gutanga byihuse nibura miliyoni 16 z’amadolari mu minsi iri imbere.

   Ayandi makuru yacu mushobora kuyakurikira kuri YouTube kuri BBC News Gahuza

   Ebola: Iby'ingenzi wamenya kuri iyi ndwara yica iri muri DRC na Uganda OMS yavuze ko iteje inkeke ku isi

   Indwara 7 zikomeye zateje akaga kurusha izindi zose zagaragaye ku isi

   Uganda irahumuriza abatinya kugendera ico gihugu kubera Ebola

5. Haciye amasaha 6Umukinnyi wa basketball Nate Ament yagizwe ambasaderi w'u Rwanda w'uwo mukino ku isi

   Leta y'u Rwanda ivuga ko yishimiye kwakira umukinnyi ukina basketball muri Amerika, Nate Ament, nk'ambasaderi warwo wa mbere w'uwo mukino ku rwego rw'isi, muri gahunda yarwo ya 'Visit Rwanda' yo kwamamaza ubukerarugendo.

   Ni nyuma yuko ku wa mbere ikigo cy'u Rwanda cy'iterambere (RDB) gitangaje uwo mukinnyi, ufitanye isano n'u Rwanda, nk'ambasaderi w'uwo mukino.

   Ibiro bya minisitiri w'intebe w'u Rwanda byatangaje ku rubuga X ko ingingo ijyanye na Ament iri mu byizweho mu nama y'abaminisitiri yo ku wa kabiri yayobowe na Perezida Paul Kagame.

   Ubwo butumwa bugira buti: "Twishimiye kwakira Nate Ament mu muryango wa Visit Rwanda nk'Ambasaderi wacu wa mbere w'umukino wa Basketball ku rwego rw'Isi.

   "Binyuze muri ubu bufatanye, Nate azakoresha ubwamamare bwe mu kumenyekanisha u Rwanda ku bakunzi ba Basketball ku Isi, ari na ko yishimira umurage w'u Rwanda."

   Ament, w'imyaka 19, ni umukinnyi ukomeye wa basketball. Mu kwezi gushize, yatoranyijwe ku mwanya wa 13 muri NBA Draft muri Miami Heat, ikimenyetso cy’uko ari umwe mu bakinnyi bakiri bato bitezweho kugira ahazaza heza muri shampiyona ya NBA.

   Yavukiye muri Amerika, mama we akaba ari Umunyarwandakazi naho se akaba ari Umunyamerika.

   RDB isubiramo amagambo ya Ament agira ati: "Guhagararira u Rwanda ni ikintu kivuze byinshi kuri jye. U Rwanda ni kimwe mu wo ndi we, kandi ntewe ishema no gusangiza iyo sano n'isi mu gihe ntangiye urugendo rwanjye muri NBA."

   Avuga ko kimwe mu bintu ashishikariye ari ukujya amarana igihe n'abakinnyi ba basketball mu Rwanda.

   Nta gaciro k'amafaranga katangajwe k'amasezerano y'impande zombi.

   Ayandi makuru yacu mushobora kuyakurikira kuri YouTube kuri BBC News Gahuza

   RSSB Tigers ibaye ikipe ya mbere yo mu Rwanda itwaye igikombe cya BAL

   "Nta muntu watekerezaga ko tuzagera hano" – Umutoza wa RSSB Tigers nyuma yo gusezerera Al Ahly SC

6. Haciye amasaha 8Venezuela: Umwana w'imyaka itatu yatabawe ajyanwa mu bitaro nyuma y'iminsi itandatu habaye imitingito y'isi

   Umuhungu w’imyaka itandatu yatabawe akurwa mu matongo ari muzima nyuma y’iminsi itandatu habaye imitingito yishe benshi ikanasenya byinshi muri Venezuela, nkuko byatangajwe n’itsinda ry’abatabazi ryavuye muri Jordan (Jordanie).

   Videwo igaragaza abo batabazi bavugira hejuru basabwe n’ibyishimo ubwo uwo mwana, Perezida w’agateganyo wa Venezuela yatangaje ko yitwa Klieber Morán, yakurwaga mu byasenyutse muri leta ya La Guaira, imwe mu zigize Venezuela.

   Perezida w’agateganyo wa Venezuela Delcy Rodríguez yavuze ko itabarwa ry’uwo mwana ari akanya k’icyizere.

   Bibaye mu gihe Umuryango w’Abibumbye watangaje ko abantu babarirwa mu bihumbi za mirongo bacyeneye imfashanyo yihutirwa y’ibiribwa hamwe n’amacumbi.

   Umubare w’abishwe n’iyo mitingito ibiri yabaye mu cyumweru gishize – umwe wo ku gipimo cya 7.2 n’undi wo ku gipimo cya 7.5 – wazamutse ugera ku bantu 1,943, mu gihe abarenga 10,000 bakomeretse ndetse abandi babarirwa mu bihumbi za mirongo bakaba bakomeje kuburirwa irengero.

   Izindi nkuru wasoma:

   Ayandi makuru yacu mushobora kuyakurikira kuri YouTube kuri BBC News Gahuza

   Umubyeyi warokowe mu matongo muri Venezuela ari kumwe n'umwana we w'uruhinja avuga uko yamufashije kubaho

   Amerika na Venezuela bemeranyije gusubukura umubano wa dipolomasi nyuma y'ifatwa rya Maduro

7. Haciye amasaha 8Mwaramutse neza!

   Ikaze kuri BBC Gahuzamiryango, aho tubagezaho amakuru yo mu karere no mu mahanga mu buryo bw'aka kanya.