Imvo n'Imvano ku gikombe cy'isi cy'uyu mwaka wa 2026 n'ibyayiranze
Ikiganiro Imvo n'Imvano kigaruka ku gikombe cy'isi cy'uyu mwaka wa 2026 cyegukanywe n'ikipe y'gihugu ya Espagne itsinze Argentine 1-0. Ni igikombe cyabereye mu bihugu 3 aribyo Mexique, Canada na Leta z'unze ubumwe z'Amerika.
Habayemo byinshi: ni cyo gikombe cya mbere cyitabiriwe n'amakipe 48 avuye kuri 32, ese ibi abasesenguzi b'umupira w'amaguru n'abakurikiranye iri rushanwa babyakiriye bate? Ni ubwa mbere kandi amakipe y'Afrika agera ku 10 yitabira imikino ya nyuma kandi 9 muri yo akarenga ikiciro cy'amatsinda. Uburyo ibihugu by'Afrika byitwaye mu gikombe cy'isi turabigarukaho n'abatoza batandukanye b'umupira w'amaguru muri iki kiganiro: Abdu Mbarushimana na Umunyana Seraphine bari mu Rwanda, hamwe na Rukundo Jean de Dieu uzwi nka Dody umutoza wa Inter Star i Bujumbura mu Burundi.
Uretse ikibazo cy'ibiciro bya tike zo kwinjira mu bibuga by'imikino zari zihenze cyane bwa mbere mu gikombe cy'isi ikindi cyaranze iri rushanwa kidasanzwe ni ikurwaho ry'ikarita itukura kuri rutahizamu w'Amerika Folarin Balogun, ku busabe bwa Perezida Donald Trump.
Muri iki kiganiro turabigarukaho, tuganira na Bayingana Francois wahoze ari myugariro ukomeye w'ikipe ya Rayon Sports yo mu Rwanda mu myaka ya za 80 ubu akaba atuye muri Leta Zunze Ubumwe z'Amerika.
Gukuraho iyo karita itukura byanatumye byanatumye urikuriye UEFA Aleksander Čeferin yanga no kwitabira umukino wa nyuma wahuje Espagne na Argentine.
Ese wowe ukurikiye iki kiganiro ni iki cyagushimishije cyangwa utishimiye mu gikombe cy'isi, ushobora nawe kuduha ibitekerezo byawe.
Iki kiganiro Imvo n'Imvano mwagiteguriwe kandi murakigezwaho na Yves Bucyana.
