Imvo n'Imvano: Kuki serivisi z'amahoteli na resitora mu Rwanda zagabanutse kuri 16%?
Mwiriweho neza mwese muteze amatwi BBC, none ni ku wa gatandatu tariki ya 4 Nyakanga (7), umwaka wa 2026. Uyu ni umwanya w'ikiganiro Imvo n'Imvano.
Muri iki kiganiro cyacu turavuga kuri raporo y'ikigo cy'u Rwanda cy'ibarurishamibare (NISR), ivuga ko serivisi z'urwego rw'amahoteli n'amaresitora mu Rwanda zagabanutse ku kigero cya 16% mu gihembwe cya mbere cy'uyu mwaka wa 2026.
Ni mu gihe u Rwanda ruharanira kuba igicumbi cy'inama, imyidagaduro n'imikino muri Afurika.
U Rwanda rubarirwa ibyumba by'amahoteli bisaga 28,000, mu gihe intego ari ukugira ibyumba nibura 35,000.
Bacye mu banyamahoteli na resitora bemeye kuvugana na BBC bavuga ko ikibazo bakibonera ku ngorane zitandukanye zugarije ubukungu ku isi, zigenda zituma abakeneraga serivisi zitandukanye z'amahoteli zirimo cyane cyane gucumbikamo, kurya no kuhakorera inama, bagenda bahindura umuvuno.
Ese haba hari impungenge z'uko ibintu bikomeje uko bimeze, amahoteli menshi mu Rwanda, cyane cyane hanze ya Kigali, yafunga imiryango?
Abahanga mu by'ubukungu babona ko gusubira inyuma mu gucuruza kw'amahoteli gufitanye isano n'ibibazo bitandukanye byugarije ubukungu bw'isi ariko kandi bakabona ko amahoteli mato yakomeje kugerageza kwigana imikorere n'ibiciro by'amahoteli manini.
Ikiganiro cy'uyu munsi mwagiteguriwe kandi murakigezwaho na Yves Bucyana.
