
Enillodd Gerwyn Price yr un gystadleuaeth yn 2018 a 2019
Mae Gerwyn Price wedi ennill Camp Lawn y Dartiau am y trydydd tro mewn pedair blynedd ar ôl iddo guro Peter Wright nos Sul yn Wolverhampton.
Roedd yn berfformiad cryf gan Price, a wnaeth aros ar y blaen trwy gydol y gêm i ennill 16-8.
Enillodd rownd gyntaf y gêm gyda sgôr o 140 ac fe barhaodd i ddominyddu am weddill y gêm.
Hon yw chweched fuddugoliaeth Price o'r flwyddyn, ac mae'n ennill gwobr o £125,000.
2022 felly fydd y tro cyntaf i Price ddechrau ei ymgyrch ym Mhencampwriaeth y Byd ar frig detholion y byd.
Pynciau cysylltiedig
Straeon perthnasol
- Cyhoeddwyd3 Ionawr 2021

- Cyhoeddwyd12 Hydref 2020
