KALLATTIIN, Israa'el ajajaa garee Hizboollaa 'Radwan Force' jedhamu irratti xiyyeeffachuun haleellaa raawwatte

Haguuggii Tamsaasa Kallattii

1. Daqiiqaa 33 duraMM Israa’el waraana biyyattii qophaa'aa jedhe, Tiraamp Iraaniif saatii 48 kenne

   

   Madda suuraa, Getty Images

   Ministirri Muummee Israa’el Beeniyaamin Netaaniyaahuun, Israa’el dhimma Iraan ilaalchisee yaada kennaniin Israa'el“haala kamiifuu qophooftee jirti” jedhe.

   Pirezidaantiin Ameerikaa Doonaald Tiraamp Tehran waliin waliigaltee irra ga’uu akka danda’an agarsiiftuwwaan akka jiran ibsuun, garuu Iraan daftee saatii 48 keessatti waligalteerra hin geessu taanan haleellatti akka deebi'an doorsisan.

   Jalqaba walga’ii Mana Maree Nageenyaa Israa’el irratti kan dubbatan Netaaniyaahuun, humnoonni waraanaa fi nageenyaa haala uumamuu malu kamiifuu akka qophaa’an qajeelfama kennuu isaanii dubbataniiru.

   Netaaniyaahuun ibsa waajjirri isaanii baaseen, ''haala hundaaf qophaa'aa turre, kunis qajeelfama ani humna waraanaa fi tajaajila nageenyaa keenyaaf kennedha,'' jedhan.

   Doorsisni kun kan ba’e yeroo Iraan karoora waraanicha xumuruu qabxii 14 qabu Ameerikaan dhiheessite ammallee qorataa akka jirtu ibsite booda.

   Dabalata isaaf

   US fi Iraan waraana kana xumuruuf dhihaataniiru?

2. Sa'aatii 3 duraIsraa'el erga dhukaasa dhaabuun labsamee yeroo jalqabaaf Beeruut haleelte

   

   Madda suuraa, Getty Images

   Israa'el erga ji'a darbe Hizboollaa Libaanos faana dhukaasa dhaabuurratti waliigalanii yeroo jalqabaaf kibba Beeruut irratti haleellaa qilleensaa raawwatte.

   Humni waraanaa Israa'el haleellaa kanaan buufata ajaja waraanaa garee Hizboollaa 'Radwan Force' jedhamurratti xiyyeeffachuu hime.

   Miidiyaan Israa'el hogganaan garee kanaa ajjeefamuu gabaasus, mootummaan Israa'el garuu kana hin mirkaneessine.

   Garuu haleellaan kun ajajaa garee waraanaa kanarratti xiyyeeffachuu Ministirri Muummee Israa'el Beenjaamin Neetaaniyaahuu mirkaneesseera.

   Haleellaan magaalaa kibba Libaanos Dahieh jedhamturratti raawwatame kun erga Pirezidant Doonaald Tiraamp Ebla 16 waliigaltee dhukaasa dhaabuu labsee kan jalqabaati.

   Haata'u malee Israa'el erga dhukaasi dhaabbachuun labsameellee kibba Libaanos haleeluu hin dhaabne. Haleellaawwan torban darbe keessa Israa'el raawwatteen namoonni 120 caalan ajjeefaman jedhe ministeerri fayyaa Libaanos.

   Ministeerichi erga Bitootessa 2, 2026 Israa'el haleellaa eegaltee Libaanos keessatti namoonni 2,700 caalan ajjeefamuus ibse.

3. Sa'aatii 5 duraAkkam jirtu?

   Tamsaasa kallattii keenya eegalleerra.

   Israa'el erga waliigalteen dhukaasa dhaabuu ji'a darbe labsamee Libaanos haleeluu eegalteetti.

   Iraan fi US gara waliigaluutti deemaa jiru? Waan itti aanu isin biraan geenya.

   Nu hordofaa!

   Tamsaasa kallattiin armaan duraa asii argattu.