 | | | | | | | ||||||||||||||||||||||||||||||||||||||||||||||||||||||||||||||||||||
| | |||||||||||||||||||||||||||||||||||||||||||||||||||||||||||||||||||||||||
|
'Россия Болтиқбўйида ракета тизимини жойлаштиради' | |||||||||||||||||||||||||||||||||||||||||||||||||||||||||||||||||||||||||
Россия президентининг сўзларига кўра, Оврўпода Американинг ракетадан мудофаа тизими қисмларини ўрнатиш режаси туфайли Россия учта ракета полкини тарқатиб юбориш мақсадидан воз кечади ва Калининградда "Искандар" ракета мажмуаларини жойлаштиришга тайёр. Литва ҳамда Польша ўртасида ўрнатиладиган яқин масофага мўлжалланган "Искандар" ракета тизими агар лозим бўлса Польша ва Чехиядаги Қўшма Штатларнинг ракетадан мудофаа тизимини "нейтраллаштиради", деб айтган Президент Дмитрий Медведев ўзининг Федерал Мажлисга қилган мурожаатида. Бу жаноб Медведевнинг президент сифатида мамлакат ва халққа дастлабки мурожаатидир. "Шунингдек, биз Россия денгиз флоти ресурсларидан ҳам худди шу мақсадда фойдаланиш ҳақида ўйламоқдамиз", деб айтган Президент Медведев. Унинг сўзларига кўра, Россия АҚШнинг ракетадан мудофаа тизимига электрон йўлда тўсиқ қўяди. Федерал Мажлисга Россия раҳбарининг мурожаатида айтилишича, август ойида Гуржистонда рўй берган уруш АҚШнинг "манман" ташқи сиёсати оқибати бўлди.
"Россия Қофқоздан чекинмайди", деб айтган Дмитрий Медведев. Қўшма Штатлар ўзининг мудофаа тизими Эрон ёки Шимолий Корея сингари мамлакатлар ҳужумидан муҳофаза мақсадида барпо этилаётганини айтиб келади, бироқ Кремл бу тизимни бевосита Россияга таҳдид деб кўради. Жаноб Медведев Россияда президентлик муддатини жорий тўрт йилдан олти йилга узайтириш таклифи билан чиққан. У ўзининг президентлик муддатини чўзмоқчими ёки Россия конституциясига ўзгартириш Дмитрий Медведевдан кейин келадиган сиёсий ворисга тааллуқли бўладими, бу борада изоҳ бермаган. Мухбирларнинг ёзишларича, жаноб Медведев вақтинча лавозимни эгаллаб турган шахс ва қонуний икки президентлик муддатини ўтаб бўлган Бош вазир Владимир Путин яна юксак лавозимга қайтади деган гап-сўзлар анчадан буён мавжуд. Дмитрий Медведев Россия конституциясига ўзгартириш киритиб, Давлат думаси депутатларининг ваколат муддатини ҳам беш йил қилиб белгилашни таклиф этди. Жаноб Медведев Вашингтонни глобал молиявий инқирозни келтириб чиқаришда айблаган. Бироқ "биз жаҳон иқтисодий инқироз оқибатларини енгиб ўтамиз ва ундан янада кучлироқ бўлиб чиқамиз", деб айтган Россия президенти. | ||||||||||||||||||||||||||||||||||||||||||||||||||||||||||||||||||||||||||
| ||||||||||||||||||||||||||||||||||||||||||||||||||||||||||||||||||||||||||
| ||||||||||||||||||||||||||||||||||||||||||||||||||||||||||||||||||||||||||
'Исроил Қуддуси Шарифда қурилишни давом эттиради'
