An Nowodhow - the News in Cornish

Available for over a year

Recording 1/3 Myttin da. Yma Konsel Kernow owth omgussulya a-dro dhe’n mater a varbakoas towladow ow sewya kevres a danyow gwyls dres an hav hevlena. Dres henna, nebes tus re beu shyndys gans barbakoas hwath pooth ynkleudhys y’n tewes war agan trethow. Skrifenyades an Stat a-barth anedhyans, kemenethow ha governans leel, Angela Rayner, re ynias war gonsels ombrederi a-dro dhe dhifen tanyow ygor ha barbakoas yn ranndiryow goliadow. Konsel Kernow a leveris y hallsa ev dyllo arghadow difresyans spassow poblek rag kowlwul an amkan ma, mes kyns gul yndella, ev a vynna kestava orth nebes perghennow tir ha Servis Tan Kernow rag hwilas aga breus. An konsel a geworras y hwre an arghadow durya teyr bledhen, ha na vedha ev bos nowedhys heb pella omgussulyans. Translation 1/3 Good morning. Cornwall Council is discussing the issue of disposable barbecues following a series of wild fires during summer this year. Some people have also been injured by barbecues, buried in the sand on our beaches while still very hot. The Secretary of State for housing, communities and local government, Angela Rayner, has urged councils to consider banning open fires and barbecues in vulnerable areas. Cornwall Council said it could issue a public spaces protection order to achieve this aim, but before doing so, it wanted to contact some landowners and the Cornwall Fire Service to seek their opinion. The council added that the order would last three years and would not be renewed without further consultation. Recording 2/3 Hwyrnoresow asiek re beu gwelys a-gynsow yn Gwlas an Hav hag yma own may fo an hwesker ma kevys yn Dewnens ha Kernow ynwedh kyns neppell. An hwyrnores asiek yw preydher peryllus hag a ladh ha dybri hwesker ponegoryon kepar ha gwenen, kelyon, goghi ha tykkiow Duw. Neyth a hwyrnoresow a yll dybri hwesker teythiek, unnek kilogram aga foos, kyns penn unn seson hepken. Michael Grindley, kesordenor hwyrnoresow asiek yn Kernow, a leveris y halsa an hwesker omgudha yn-dann kerri, poken bos degys yn lestri-gwari bys dhe borthow yn arvor kernewek. Dowr Soth West re ynias war eseli a’n werin, mar kwrellens i gweles hwyrnores asiek, danvon derivas dhe vagas a withysi wenen leel po dre wul devnydh a’n app Asian Hornet Watch. Translation 2/3 Asian hornets have been spotted recently in Somerset and there are fears that this insect will be also found in Devon and Cornwall before long. The Asian hornet is a dangerous predator which kills and eats pollinating insects such as bees, flies, wasps and butterflies. A nest of hornets can eat 11kg of native insects within a single season. Michael Grindley, an Asian hornet coordinator in Cornwall, said that the insect could hide under cars, or else be carried on yachts to harbours on the Cornish coast. South West Water have urged members of the public, if they see an Asian hornet, to report it to a local beekeeping group or via the Asian Hornet Watch app. Recording 3/3 Tri delow nowydh, gwrys a helyk, re beu ynstallys yn Lowarth Trengwenton, ogas dhe Bennsans, a-gynsow rag kovhe an damach gwrys gans Tewedh Goretti mis Genver eus passyes. Gwrys veu an artweyth gans Katherine Miles, hag ev a dhiskwedh teylu a dri ferson: mamm, tas ha myrgh ow synsi aga hatt hag i ow posa war-rag erbynn an gwyns. Dyghtys yw an lowarth gans an Trest Kenedhlek hag a dherivas y kodhas kans gwedhen ha hanterkans dres an tewedh yn gwynsow ogas ha kans mildir orth an our aga thooth. Pennlowarther, Tom Bush y hanow, a leveris bos an ober a gartha an argos a wedhennow kodhys ogas kowlwrys, ha bos govenek dhodho dalleth dasplansa gwedhennow nowydh yn mis Hedra. Ha henn yw oll ahanav vy an seythen ma. Terebo nessa! Translation 3/3 Three new statues, made of willow, have recently been installed in Trengwainton Garden, near Penzance, to commemorate the damage done by Storm Goretti last January. The artwork was created by Katherine Miles, and it depicts a family of three: mother, father and daughter holding on to their hats as they lean forward into the wind. The garden is managed by the National Trust which reported that 150 trees fell during the storm in winds of nearly 100 mph. Head gardener, Tom Bush, said that the work of clearing the woodland of fallen trees was almost complete, and that he hoped to begin planting new trees in October. And that’s all from me for this week. Until next time! Pic: Polperro by Weather Watcher Xalo Bartley.