Episode details

Available for 30 days
Lois Cernyw sy'n cyflwyno rhaglen arbennig yn nodi pen-blwydd Parc Cenedlaethol Eryri yn 75 oed. Mae'n cyfarfod â'r rhai sy'n gweithio ac yn byw yn y parc, gan glywed yr hyn sy'n gwneud y lle mor arbennig. Yn Yr Ysgwrn ger Trawsfynydd mae'n sgwrsio gydag Ioan Gwilym, Pennaeth Cyfathrebu'r Parc i glywed am bwysigrwydd y parc i'r bobl sy'n byw o fewn y ffiniau. Yna, sgwrs gyda Gethin Pyrs, mab fferm fagwyd ym Mharc Cenedlaethol Eryri, sydd bellach yn gweithio fel saer coed. Un sy'n ffermio o fewn ffiniau'r Parc Cenedlaethol ydy Guto Eidda Davies, ac mae Lois yn galw draw i sgwrsio am y profiad o ffermio o fewn y parc. Jack Peyton sy'n sôn am y profiad o weithio fel Uwch Warden i'r Parc Cenedlaethol; Yna mae taith Lois yn gorffen drwy sgwrsio gydag un arall sy'n byw a gweithio yn y Parc, y dylunydd tecstiliau Anna Pritchard, sy'n arbenigo mewn gwehyddu, yn creu carthenni a defnyddiau cyfoes. Cynhyrchiad cwmni Telesgop i BBC Radio Cymru.
Programme Website