An t-Urr Coinneach Dòmhnallach, ministear-cuideachaidh, Eaglais na h-Alba

Available for 29 days

Anns an t-seirbheis cluinnidh sibh na sailm agus an leughadh e leanas: Salm 23: 1-3 & 7 air fonn Crimond agus Salm 89: 15-18 air fonn Newington. 'S e coitheanal Eaglais Naomh Chaluim Chille ann an Glaschu a tha seinn na sailm. Leughadh: 2 Eachdraidh 34: 1-5 & 18-28 Ceann-teagaisg: 2 Eachdraidh 34: 3 Rugadh is thogadh Coinneach Dòmhnallach air a' Chomraich air taobh siar Siorrachd Rois. Chaidh e tron fhoghlam an Àrd-Sgoil Inbhir Pheofharain agus an oilthighean Ghlaschu is Cambridge. Fad iomadh bliadhna, bha e na òraidiche ann an Roinn na Ceiltise an Oilthigh Ghlaschu. Nuair a leig e dheth an dreuchd sin, rinn e cùrsa-trèanaidh gu bhith na mhinistear-cuideachaidh an Eaglais na h-Alba. Bha e airson grunn bhliadhnaichean na mhinistear-cuideachaidh aig Eaglais an Naoimh Pòil ann am Muileann Dhabhaidh air iomall Ghlaschu.