War deg deg ah, Dooni rakaab oo laga leeyahay Indonesia oo ay saarnaayeen 243 qof oo lagu la’yahay Badda Java
Waxaa la bilaabay hawlgal lagu raadinayo laguna samatabixinayo dad, kaddib markii xiriirkii lala waayay doonida rakaabka ee Indooniisiya, taas oo ay saarnaayeen 243 qof, sida ay sheegtay hay’adda qaranka ee baadigoobka iyo samatabixinta.
Doonida Virgo Transport 8 ayaa habeenkii u safreysay magaalada Surabaya kuna sii jeedday Banjarmasin, oo ku taalla Koonfurta Kalimantan, markii ay soo sheegtay inay la kulantay cimilo xun.
“Waqtiga bayaankan la soo saarayo, lama xiriiri karno doonta, waxaana la la’yahay halka ay ku sugan tahay,” ayay hay’addu sheegtay.
Mas’uuliyiintu waxay sheegeen in ay qaadan doonto ku dhowaad shan saacadood in koox samatabixin ah oo ka kooban lix qof ay gaarto goobtii ugu dambeysay ee lagu ogaa doonta, taas oo ku taalla Badda Java. Goobtaas waxaa la diiwaangeliyay qiyaastii 02:00 xilliga maxalliga ah ee Axadda.
