An Nowodhow - the News in Cornish

RECORDING 1:
Dew viaj skath rag mires orth bewnans gwyls a omgavas omvyskys yn sawyans a hwegh neuvyer mor neb re dheuth ha bos yn plit kales. An neuvyoryon a veu derivys bos owth omdewlel yn Baya Balyer ogas ha Penn Trenfos a-varr yn myttin Dy’Sul. Skath-sawya RNLI, parys gwithysi als, ha tro askel sawyans a dhrehedhas orth an tyller may tiskudhas bos peswar a’n neuvyoryon sawys gans parys a lestri oberys gans Safaris Bewnans an Mor Lannwedhenek, ha Wavehunters, gans gweres dhyworth gwithysi bewnans. An dhew erel a skramblas bys dhe gerrek hag a veu gwynsys dhe salowder gans tro askel sawyans dhyworth Ayrborth Kernow Tewynblustri. Ny veu shyndys den vyth a’n neuvyoryon. Jo Rowles, neb esa war an skath Wavehunters, a leveris y vos “prevyans dyski hujes rag agan fleghes – mestres fell yw an mor.”

TRANSLATION:
Two wildlife spotting boat trips found themselves involved in helping to rescue six sea swimmers who had got into difficulty.The swimmers were reported to have been struggling at Barras Bay near Trevose Head, Cornwall on Sunday morning. A RNLI lifeboat, coastguard teams and a rescue helicopter arrived at the scene to find four of the swimmers had been recovered by crews of vessels operated by Padstow Sealife Safaris and Wavehunters, with help from lifeguards. The remaining two swimmers had scrambled on to rocks and were winched to safety by a rescue helicopter from Cornwall Airport Newquay. None of the swimmers were injured. Jo Rowles was aboard the Wavehunters boat and said it had been "a massive learning experience for our kids, the sea is a cruel mistress".

RECORDING 2:
Ober draylya dhe weres owth astiveri hedhas dhe’n kayow gwartha yn porth istorek Truru re dhallathas.
An ober yw arghesys gans towlen Bargen an Dre Truru, hag a wra removya leys ha fennleys dhyworth goles an avon – ow kressya hy downder hag ystyn spas mortid rag lestri dhe wul devnydh a’n kayow gwartha, dell leveris ledyoryon an ragdres. Y fydh gwrys yn Kay an Dre, Kay Gwara Garros, ha Kay Worth yntra mis Est ha mis Du, dres kesstudhyow morlanow gwiw, y keworrsons i. An gwellheansow a sew arhwithransow gans Konsel Kernow hag Awtorita an Porth rag Truru, hag a gevarwodhas leow may kreunsa fennleys yn arwedhek.
Alan Stanhope, kaderyer Kesva Bargen an Dre Truru, a leveris bos an avon ha’n porth yn kres a istori, honanieth ha termyn a dheu an cita, hag an oberennow ma a wra gweres ow tialhwedha moy chonsow rag tus dh’aga omlowenhe ha gul devnydh anedha.

TRANSLATION:
Dredging work to help restore access to the upper quays in Truro’s historic port has begun.
The work is funded by the Truro Town Deal programme, and will remove mud and silt from the riverbed, increasing its depth and extending the tidal window for vessels to use the upper quays, project leaders said.
It was be carried out at Town Quay, Garras Wharf and Worth's Quay between August and November during suitable high tide conditions, they added. The improvements follow surveys by Cornwall Council and the Harbour Authority for Truro, which identified areas where silt had accumulated significantly. Alan Stanhope, chair of the Truro Town Deal Board, said that the river and port are central to the city's history, identity and future, and these works will help unlock more opportunities for people to enjoy them and make use of them.

RECORDING 3:
Ordenoryon Boardmasters re leveris bos gool an vledhen ma “puptra may halsen hunrosa anodho”, hag ow talleth towlenna rag 2027. Ordenoryon a leveris etek ha seyth ugens mil a skoodhyoryon mordardha hag ilow dhe attendya an hwarvos yn Tewynblustri, dres pymp dydh yntra pympes ha nawves a vis Est – moghheans a eth kansran moy es an vledhen eus passys. Yn mysk a’n aktys pennlinen yn Tregurien Woles, yth esa Fatboy Slim, Lily Allen ha Kasabian. Yth esa milyow owth attendya kesstriv-mordardha Boardmasters Ygor yn Baya Fystal.
Kevarwodher an gool Rob Spring y hanow a leveris bos “ilow dhigrysadow, mordardha a vri dreusvysyek, ha’n spyrys ha howlsplann Kernewek sur na hag a wra an gool ma an pyth ywa”. An gool a wra dehweles dhe Gernow yntra peswora hag ethves a vis Est 2027.

TRANSLATION:
Boardmasters organisers have said this year's festival was "everything we could have dreamed of" as planning for 2027 gets under way. Organisers said a 158,000 surf and music fans attended the event in Newquay, over five days between 5 and 9 August - an increase of 8% on last year.Among the headline acts at Watergate Bay were Fatboy Slim, Lily Allen and Kasabian Thousands also in attendance at the Boardmasters Open surf competition at Fistral Beach. Festival director Rob Spring said the "incredible music, world-class surfing and that unmistakable Cornish spirit and sunshine that makes this festival what it is". The festival will return to Cornwall from 4-8 August 2027.

Picture of Mousehole by BBC Weather Watcher Debbie W.