Main content
Bydd y rhaglen yma ar gael yn fuan ar ôl cael ei darlledu

Iolo Williams y naturiaethwr sy'n mynd â ni ar daith drwy dirlun Cymru gan ddilyn hen ffordd Rufeinig Sarn Helen. Iolo Williams follows the trail of the Sarn Helen Roman road.

Mae Iolo Williams yn parhau ar daith ryfeddol ar hyd un o lwybrau hynaf Cymru. Yr archeolegydd Rhys Mwyn sydd yn ei arwain ar hyd Sarn Helen, yr hen ffordd Rufeinig sy'n plethu drwy galon y wlad.

Wedi dechrau'r daith yn Nyffryn Conwy, maent bellach wedi cyrraedd Dolaucothi, ac yn parhau tuag at y De Orllewin.

Dyma'r drydedd gyfres o Sarn Helen, ac mae'r rhaglenni sydd yn dilyn yn mynd â ni tua thref Caerfyrddin. Mae'r gyfres yn cyfuno hanes, natur a phobl mewn ffordd fywiog a difyr. Wrth gerdded drwy fynyddoedd, dyffrynnoedd a thirweddau eiconig Cymru, mae Iolo a Rhys yn cael cwmni amrywiaeth o westeion, gan gynnwys Dr Leona Huey, archeolegydd a darlithydd ym Mhrifysgol Bangor, sydd yn taflu goleuni newydd ar straeon y Rhufeiniaid.

Ar hyd y ffordd, mae Iolo'n rhannu'i wybodaeth a'i angerdd dros fyd natur.

Ond nid taith drwy'r dirwedd yn unig yw hon. Mae hefyd yn daith drwy amser. Gyda Rhys Mwyn a Leona yn datgelu'r hanes archeolegol y tu ôl i'r ffordd enwog, mae Iolo'n holi sut a pham y cafodd y rhwydwaith Rhufeinig ei adeiladu, beth ddaeth i Gymru gyda'r Rhufeiniaid, a sut y cysylltai'r ffyrdd hyn gaerau, aneddiadau a'r arfordir.

Heddiw mae Iolo a'r criw yn crwydro Dolaucothi, sydd ym Mhumsaint, Llanwrda, Sir Gaerfyrddin, ac yn ymweld â'r unig Fwynglawdd Aur Rhufeinig hysbys y DU.

Ac yn cadw cwmni mae David Thomas – Archeolegydd De Cymru i'r Ymddiriedolaeth Genedlaethol. Holly Dwyer sydd hefyd yn gweithio i'r Ymddiriedolaeth Genedlaethol a Dafydd Wyn Morgan sydd yn gyfarwydd iawn â Sarn Helen, ac sydd bellach yn rhedeg cwmni Serydda a Ffotograffiaeth Astro.

Dyddiad Rhyddhau:

27 o funudau

Ar y Radio

Sul 29 Tach 202616:00

Darllediad

  • Sul 29 Tach 202616:00