کعبه د مسلمانانو قبله ده .

دا ټولو ته څرګنده ده، چې هر جومات د لمانځه پرمهال د امام د ودرېدو لپاره يو محراب لري، چې کعبې شريفې ته بايد مخامخ وي او نور مقتديان هم د هغه پيروي کوي او ترشا يې ولاړ وي .

دغه ستونزه وروسته له هغه په ډاګه شوه، چې په مکه کې يو شمېر جګپوړيزه ودانۍ جوړې شوې، او په هره يوه کې د لمونځ کوونکو لپاره جومات جوړ شوی .

دې ستونزې ته وروسته له هغه د لمونځ کوونکو پام شو، چې په دغو ودانيو کې ډېری جوماتونه کعبې شريفې ته په دقيقه توګه مخامخ نه وو جوړ شوي .

د سعودي د اوقافو او اسلامي چارو وزارت سلاکار توفيق السديري ويلي چې په وينا يې دغه ستونزه لويه نه ده، خو دا مني چې يو شمېر جوماتونه کعبې شريفې ته په دقيقه توګه مخامخ نه دي جوړ شوي، خو دغه ستونزه د عصري تيکنالوجۍ په برکت سره په ځينو جوماتونو کې هواره شوې ده .

ښاغلی السديري زياتوي چې دغه ستونزه په هېڅ ډول د لمانځه پر سموالي اغېز نه کوي .