KAI TSAYE, Gasar kofin duniya 2026: Za a yi bugun fenariti Australia 1-1 Masar

Rahoto kai-tsaye

Mohammed Abdu tare da taimakon A1

1. Minti 1 da ta wucePENALTY SCORED - Mahmoud Saber, Penalties - Australia 0-1 Egypt

2. Minti 1 da ta wuce, Penalties - Australia v Egypt

   Kyaftin din Australia Harry Souttar ya dauki na farko ya buga ta yi sama sosai

3. Mintuna 3 da suka wuce, Australia 1-1 Masar

   Australia ce za ta fara bugawa

4. Mintuna 8 da suka wuceAn kammala wasan sai bugun fenariti, Australia 1-1 Masar

   Za a fara da mutum biyar-biyar daga nan muga abin da zai faru.

5. Mintuna 8 da suka wuce, Australia 1-1 Masar

   Australia ta yi bugun tazara daga gidan Masar, amma an yi karo tsakanin yan wasa biyu kowanne yana kwance. Alkalin wasa ya busa.

6. Mintuna 10 da suka wuceAusralia ta yi canjin mai tsaron raga, Australia 1-1 Egypt

   An saka dogon gola mai suna Mat Ryan ya maye gurbin Patrick Beach.

   Kowa ya san me hakan yake nufi cewar Ryan ya gwanance a tare fenariti.

   Bari mu gani an yi karin minti daya.

7. Mintuna 12 da suka wuce, Australia 1-1 Masar

   An buga kwallon ba ta yi kyau ba, domin ta bugi masu tsaron baya ta je jifa, kenan kwallon ya bugi katanga.

8. Mintuna 13 da suka wuce, Australia 1-1 Masar

   Hany na Masar ya yi keta an samu bugun tazara daga irin wajen da Australia ta farke kwallonta.

9. Mintuna 14 da suka wuce, Australia 1-1 Masar

10. Mintuna 16 da suka wuce, Australia 1-1 Masar

    Kamar wani karin karfi ne ya karu a tawagar Masar sai kokarin cin kwallo take, ko tana tunanin bugun fenariti tana da matsala, gwara ta kammala wasan tun yanzu.

11. Mintuna 17 da suka wuce, Australia 1-1 Masar

    Salah ne ya buga kwana ta shiga cikin gidan Australia, amma yan baya sun fitar da ita.

12. Mintuna 18 da suka wuce, Australia 1-1 Masar

    Sai yanzu ne Masara ta buga kwallo mai kyau ta yi bani in baka har ta kai ga Ashour ya samu dama ya buga a cikin gidan Australia, amma ta taba masu tsaron baya ta yi waje zuwa kwana.

13. Mintuna 21 da suka wuce, Australia 1-1 Masar

    Bangarorin biyu suna da ƙarin canji guda ɗaya. Yadda za a yi amfani da shi watakila idan ta kai ga bugun fenariti shi ne abin ji. Za a iya sa mai tsaron raga da ake ganin yana da gogewa a fannin tare fenariti ko kuma wani dan wasan da ya kware a cin bugun daga kai sai mai tsaron raga.

14. Mintuna 24 da suka wuce, Australia 1-1 Masar

    An koma karin lokaci na biyu da za a buga minti 15, idan babu tawagar da ta zura kwallo a raga daga nan sai bugun fenariti da ake kira sai mai rabo.

15. Mintuna 27 da suka wuce, Australia 1-1 Masar

    An kammala minti 15 za a dan huta sannan a koma fili a karasa minti 15 nan gaba.

16. Mintuna 28 da suka wuce, Australia 1-1 Egypt

    Kawo yanzu yan wasa sun ci gida sau 13 a gasar cin kofin duniya ta 2026, Ita ce kan gaba da aka yi haka a tarihi. Koda yake da sauran wasanni a gaba, watakila su fi haka, domin za a kai ga zagayen yan 16 da kwata fainal da daf da karshe da wasan karshe.

    Dan wasan Masar, Mohamed Hany ya zama na biyu da ya ci gida a wasa biyu a gasar kofin duniya guda, bayan dan Bulgaria, Ivan Vutsov a gasar 1966.

17. Mintuna 32 da suka wuce, Australia 1-1 Masar

    Wannan shi ne karo na hudu a zagayen yan 32 da aka yi karin lokaci a gasar cin kofin duniya ta 2026.

    Biyu an kai ga bugun fenariti, yayin da wasan Belgium da Senegal aka kammala shi daf a tashi inda Belgium ta kai zagayen yan 16.

    Shin yaya wannan wasan zai kaya?

18. Mintuna 35 da suka wuceKatin gargadi, Australia 1-1 Egypt

    An bai wa matakin kociya, Ibrahim Hassan katin gargadi na Masar saboda ya yi korafi ga alkalin wasa.

19. Mintuna 37 da suka wuceKadan ya rage Salah ya ci kwallo, Australia 1-1 Egypt

    Damar farko da Salah ya samu a wasan nan.

    Kwallo ce a cikin gidan Australia daga gefen hagu ya yi kokarin bugata, amma ta yi fadi.

    Shi kansa ya san cewar ya kamata kokarinsa ya fi haka.

20. Mintuna 42 da suka wuceAn koma wasan, Australia 1-1 Masar

    Za a fara yin minti 15 daga nan a juya zango na biyu a kara wani minti 15 daga nan a je bugun fenariti idan babu wadda ta kara cin kwallo.