بلاخر مجی کو جیل سے نکال کر امرتسر پہنچایا گیا اور مختلف جیلوں سے جمع کیے گئے نو دیگر پاکستانی قیدیوں کے ساتھ اٹاری بارڈر تک لایا گیا اور پاکستانی حکام کے حوالے کردیا گیا۔
مجی کو اس کا بھانجا اور چھوٹی خالہ کرائے کی سوزوکی ڈبے میں بارڈر پر لینے آئے۔مجی کو بتایا گیا کہ اسکے والد کا انیس سو چورانوے میں اور والدہ کا دو ہزار چار میں انتقال ہوگیا۔بڑی بہن کے چار اور منجھلی کے دو بچے ہیں۔ سب لوگ قصور سے لاہور منتقل ہوچکے ہیں۔قصور والا گھر بک چکا ہے ۔
مگر مجی یہ سب کچھ نہیں سن رہا تھا۔وہ تو بس ہر شخص اور شے دیدے پھاڑ پھاڑ کے دیکھ رہا تھا۔اکتیس سال میں دنیا مکمل طور پر بدل چکی تھی۔
جیسے ہی سوزوکی سبزہ زار کے علاقے میں پہنچی۔دو موٹر سائیکلوں پر سوار چار نوجوانوں نے سوزوکی کے آگے آ کر اسے رکنے کا حکم دیا۔مگر سوزوکی والے نے ایکسیلیٹر پر پاؤں رکھ دیا۔موٹر سائیکل سوار مشتعل ہوگئے اور انہوں نے قریب آ کر سیدھی فائرنگ کردی۔ڈرائیور موقع پر ہلاک ہوگیا۔سوزوکی بے قابو ہو کر کھمبے سے جا ٹکرائی۔مجی ، اسکی خالہ اور بھانجے کو زخمی حالت میں اسپتال لایا گیا۔
اگلی صبح مجی مرگیا۔
اسپتال کے عملے نے لاش مجی کی بڑی بہن اور بہنوئی کے حوالے کرتے وقت حوالگی کا فارم بھرنے کو دیا۔
مجی کی بہن نے فارم پر کرتے ہوئے لکھا
نام = عبدالمجید
تاریخِ پیدائش = پانچ نومبر انیس سو باسٹھ ۔
تاریخِ وفات = انتیس جولائی دو ہزار دس
عمر= سترہ سال
'نظر وٹو' کے طور پر داؤد ابراہیم بھی ان کے ساتھ اسی فہرست میں طاقتور شخص کے طور پر موجود ہیں۔
نیویارک کی مرکزی شاہراہ ففتھ ایونیو سے نکلنے والے فوربز میگزین جس کا خود نعرہ ہے کہ وہ 'آلۂ سرمایہ داری' یا ' کیپیٹلسٹ ٹول' ہے، کی ایسی ریٹنگ کے بعد اب اس قیاس کو مزید تقویت ملتی ہے کہ کون کہتا ہے کہ پاکستان میں فوجی اشرافیہ سب سے طاقتور طبقہ نہیں۔
پاکستانی جرنیلوں کا جاہ و جلال اب تو ایک عالم میں مانا جا رہا ہے۔ جب جمہوریت کمزور ہو تو جرنیل طاقتور ہو ہی جاتے ہیں۔
جرنیل اپنے جاہ و جلال سے مرکزی اہیمت کے حامل ہو جاتے ہیں۔ وہ اسٹریٹجگ ڈائیلاگ سے لے کر سعوری ولی عہد کے جنازے میں شرکت تک کر سکتے ہیں اور اگر شرکت نہیں کرسکتے تو نصرت بھٹو کے جنازے میں نہیں کر سکتے۔
ویسے آپس کی بات ہے کہ ماضی قریب تک اسلامی جمہوریہ پاکستان میں ایسے بھی جری جرنیل تھے جو خاتون وزیراعظم کو سلیوٹ کرنے سےگریزاں ہوا کرتے تھے۔
صاحب گاڑی صاف کردوں !
بس جیسے ہی آپ بینک سے باہر آئیں گے گاڑی صاف ملے گی !
اچھا کردو۔۔۔۔لیکن تم نے تو سکول کی یونیفارم پہنی ہوئی ہے ۔۔۔تمہیں تو اس وقت کلاس میں ہونا چاہییے، یہ تم یہاں سڑک پر کیا کررہے ہو۔
جی میں سکول میں نہیں پڑھتا، یہ یونیفارم تو ایک میڈم نے دی ہے۔ان کا بچہ پہنتا تھا۔اب پرانی ہوگئی ہے نا !
تمہیں میڈم نے اور شرٹ کیوں نہیں دی ؟
نہیں جی ان کے پاس تو دو تین پرانی شرٹیں تھیں۔انہوں نے کہا اس میں سے ایک لے لو باقی دو میں دوسرے بچوں کو دوں گی۔ تو میں نے یونیفارم والی شرٹ لے لی !
لیکن کیا فائدہ ۔۔۔تم تو سکول میں نہیں پڑھتے ، دوسری شرٹ لے لیتے۔
نہیں جی۔۔۔ یہ مجھے اچھی لگتی ہے۔اسے پہن کر لگتا ہے جیسے میں بھی سکول جارہا ہوں ۔
بس بھئی فراخ دلی اگر کسی نے سیکھنی ہے تو ہمارے صدر سے سیکھے۔ جس نے جو مانگا اس کو دیا۔ ناصرف اپنی قریبی ساتھیوں کو اعلی ترین وزارتیں اور عہدے دیئے بلکہ اب انہیں قومی ایوارڈ سے بھی نواز دیا ہے۔ اس سے اندازہ ہوتا ہے کہ موجودہ حکومت ان کی کارکردگی سے کتنی مطمئن ہے۔ عوام کی بات کون کرتا ہے اور ایسے 'پرمسرت' مواقع پر کرنی بھی نہیں چاہیے۔
لیکن اس اعلان سے مجھے ایک پریشانی سے لاحق ہوئی کہ کیا اس سال کو حکومت اپنا آخری سال تصور کر رہی ہے کہ ابھی سے اپنی ٹیم کے سب اہم اراکین کو شاباشی عطا کر دی۔ ابھی تو اس حکومت کا کم از کم ایک اور یوم آذادی باقی ہے۔ آخر اتنی جلدی کیا تھی۔ یا پھر یہ بھی ہوسکتا ہے کہ اس کے بعد صدر کو ان پیپلز پارٹی رہنماؤں سے اس سے زیادہ اچھے کی امید نہیں تھی۔
دوسری پریشانی یہ تھی کہ ان ایوارڈز کی وقعت کیا رہی؟ یقینا اکثریت قابل تعریف کارکردگی کے بل بوتے پر اس کی جائز حقدار ہے لیکن ایک عاد کا نام دیکھ کر تو محض سلیکشن معیار پر 'اف' ہی کی جاسکتی ہے۔
میں اپنے عزیزوں کے ساتھ سٹیج سے خاصی دور بیٹھا سوچ رہا تھا کہ کاش پہلے معلوم ہوتا تو وقت لے کر وزیرخزانہ کا انٹرویو کر لیتا۔ اس خواہش کا اظہار میں نے اپنے کزن سے بھی کیا۔ میری بات سن کر وہیں موجود ایک پاکستانی نے کہا یہ تو کوئی بڑی بات نہیں وزیر خزانہ کو یہیں بلا لیتے ہیں۔
وہ صاحب بغیر کسی روک ٹوک کے سیدھے سٹیج کے قریب گئے اور وزیر خزانہ تک ایک پرچی پہنچا دی۔ تقریب کے اختتام پر وزیر خزانہ نے ان سے مسئلہ دریافت کیا اور معلوم پڑنے پر ان کے ساتھ ہی ہماری طرف آ گئیں۔ انہوں نے خود ہی مجھ سے پوچھ لیا کہ آپ ملنا چاہتے ہیں۔ میں نے اثبات میں سر ہلایا اور تین چار سوالات کا مختصر کر ڈالا۔
آخری سوال کے جواب میں انہوں نے کہا کہ پاکستانیوں کے اتنی بڑی تعداد میں اوسلو میں آباد ہونے سے ان کو سب سے بڑا فرق یہ پڑا تھا کہ اپنی انتخابی مہم انہوں نے کھاریاں سے شروع کی تھی۔
اس کے بعد وہ بڑے اطمینان کے ساتھ لوگوں سے ہاتھ ملاتی، ان کے تصاویر بنواتی اپنی گاڑی تک چلی گئیں۔ نہ کوئی پروٹوکول، نہ سکیورٹی اور نہ کوئی بڑے عہدیدار اور چھوٹے عہدیدار کا فرق۔
یہ ایک مثال ہے اس کھلے معاشرے کی جس کو بچانے کا عہد ناروے کے وزیر اعظم نے جمعہ کو دو بڑے حملوں کے بعد کیا۔ ایک صحافی نے جمعہ کو ہی اس کھلے معاشرے کی وضاحت کرتے ہوئے کہا تھا کہ ناروے میں ناقابل یقین حد تک کھلا معاشرہ ہے۔
انہوں نے کہا کہ ناروے میں سیاستدان اور امراء عام لوگوں میں اس طرح آزادی سے گھومتے پھرتے ہیں جس کی مثال دنیا بھر میں کم ہی ملتی ہے۔ وہاں کم لوگوں کے پتے اور فون نمبر خفیہ ہوتے ہیں اور وہاں سیاستدان اپنے ٹیلی فون نمبر اپنے کارڈ پر شائع کرواتے ہیں۔
صحافی کے مطابق باہر کی دنیا کو شاید یہ انداز معصومانہ لگے لیکن ناروے کے لوگ ثابت کرنا چاہتے ہیں کہ دنیا میں ایسے رہا جا سکتا ہے۔ دیکھیں اس حملے کے بعد ان کا رویہ بدلتا ہے یا نہیں۔
دوسرے عقلمند نے کہا کہ یار بات تو تمہاری ٹھیک ہے لیکن اگر میں بگلے کے قریب پہنچ ہی جاتا ہوں تو پھر سر پے موم کیوں رکھوں ۔سیدھے سیدھے اس کی گردن ہی کیوں نا پکڑ لوں۔
پہلے عقل مند نے کہا کہ اس طرح تو کوئی بھی کرسکتا ہے۔استادی تو یہ ہے کہ آپ موم سر پے رکھ کے بگلا پکڑ کے دکھائیں تاکہ آپ کی واہ واہ ہوجائے۔۔۔
بالاخر پیپلز پارٹی نے کشمیر اسمبلی کے لئے کراچی کی دو مخصوص نشستوں کو ایم کیو ایم کے لئے چھوڑ دیا۔ یہی کام دو ہفتے کے دوران منہ سے شعلے اگلنے کے کرتب ، ڈیڑھ سو کے لگ بھگ افراد کی ہلاکت اور اربوں روپے کے کاروباری نقصان سے پہلے بھی ہوسکتا تھا۔لیکن پھر استاد کون مانتا!!
(پرچھائيں پکڑنے والو سینے کے اندر جلتی آگ کی پرچھائيں نہیں ہوتی)
یہ سطر کئی برس پہلے پنجابی کی امر شاعرہ امرتا پریتم نے اپنی ایک نظم میں لکھی تھی۔
]]> لیکن اس آگ کی تپش کل شام نیویارک کے سکھوں کی سب سے بڑی آبادی اور گردواروں والےعلاقے رچمنڈ ہل میں بھی محسوس کی گئی جب پنجابی ادبی سبھا میں اس کا ذکر کیا گیا کہ امرتا پریتم کا دہلی میں مشہور تاریخی گھر بیچ کر توڑ بھی دیا گیا ہے اور اب اس پر کمپلکیس تعمیر ہوگا۔نیویارک کا پنجابی شاعر سریندر سول مجھے مشرقی پنجاب کے ایک اخبار کا حوالہ دے رہا تھا جس نے لکھا ہے کہ یہ محض ایک خبر نہیں بلکہ ایک تاریخ کا مرثیہ ہے۔
مجھے یاد آیا، امرتا پریتم کا یہ گھر جس کو میں نے تو صرف ان کی خود نوشت یادداشتوں 'رسیدی ٹکٹ'یا ناگ منی کے پرچوں میں دیکھا تھا لیکن میرے دوست شاعر حسن درس، جامی چانڈیو اور مظفر چانڈیو بھی جب انڈیا گئے تھے اسی گھر پر امرتا پریتم سے جا کر ملے تھے جہاں حسن نے امرتا پریتم کو اپنی اور اس کے ہمعصر سندھی شاعروں کی شاعری بھی سنائي تھی۔ جہاں میرے یہ دوست امرتا پریتم کے دوست امروز سے اپنی ملاقات کی دلچسپ تاثرات لائے تھے۔
ہاں اسی گھر میں انیس سو ستانوے میں بٹوارے کے پچاس سال پورے ہونے پر بی بی سی اردو کی معرکتہ آرا سیریز 'ہندو پانی، مسلمان پانی' کیلیے محمد حنیف نے امرتا پریتم کی تاریخی کُوک جیسی نظم 'اج اکھاں وارث شاہ نوں'جا کر ریکارڈ کی تھی ۔ '
امرتا پریتم کے اسی گھر کے دورازے پر اس کی یہی سطر امروز نے اپنے فن مصوری اور نقش نگار سے بنائي ہوئی تھی:'پرچھاواں پکڑن والیو چھاتی وچ بلدی اگ دا پرچھاواں نہیں ہوندا'۔
سریندر سول مجھے بتا رہے تھے امرتا پریتم کے فروخت ہوئےگھر سے اس کا بیٹا بہرحال وہ دروازہ نکال کر لے گیا جس پر وہ سطر لکھی تھی۔میں سوچ رہا تھا آج پھر سے کوئی 'اج اکھاں وارث شاہ نوں' لکھے۔
دیکھ امرتا پریتم! کون کہتا ہے کہ اندر میں جلتی آگ کی پرچھائيں نہیں ہوتی!
میں نے سوچا کیا انڈین حکومت اور اداروں نے امرتا پریتم کا یہ تاریخی گھر خریدنے کی کوشش اس لیے نہیں کی ہوگی کہ وہ سکھ تھیں ! سکھ، جو اورنگزیب سے لیکر اندرا گاندھی اور ان کے بعد کے ادوار تک آگ کے دریاؤں سے گزرگئے ہوئے ہیں۔
]]>پاکستان کے زیرانتظام کشمیر کے حکام نے حال میں وادی کے حکام کو اُن بیمار مرچوں کی تجارت روکنے کی صلاح دے دی جو حکام کے مطابق انسانی صحت کو زک پہنچا سکتی ہیں۔
اِلزام یہ ہے کہ یہ مرچیں بھارت کی دوسری ریاستوں سے منگوا کر لائن آف کنٹرول کے اُس پار پاکستانی علاقے میں بھیجی جاتی ہیں تاکہ کسٹم ڈیوٹی سے بچا جاسکے اور یہ وہ مرچیں نہیں جو کشمیر کی ہیں کیونکہ ان میں نہ کشمیر کا تیکھا پن موجود ہے اور نہ کشمیر کا رنگ ہے۔
پاکستان کی لیبارٹریوں میں اِن مرچوں کا تجزیہ کرنے کے بعد حکام کومعلوم ہوا ہے کہ ان میں افلاٹوکزن موجود ہے جو انسانی صحت کے لئے مضر ہے (جیسے خود مرچیں انسانی صحت کے لئے مضر نہیں)
جب سے لائن آف کنٹرول پر تجارتی لین دین کا سلسلہ شروع ہوا ہے تاجروں کو دونوں طرف سے شدید مشکلات کا سامنا ہے جس میں سب سے بڑی دشواری ویزا کا حاصل کرنا ہے اور پھر تجارتی لین دین کے لیے مخصوص اشیا ہی رکھی گئیں ہے جن پر کشمیر کا لیبل ہونا ضروری ہے۔ ان اشیا کو فوجیوں کی موجودگی میں سرحد آرپارپہنچانا جوئے شیر لانے کے متُرادف ہے۔
(یہ تجارتی لین دین صرف کشمیری تاجروں تک محدود ہے اور اس کا مقصد منقسم کشمریوں کے مابین تعلقات کو بحال کرنا ہے اس میں بھارت اور پاکستان کی پیدا کردہ اشیا یا فصل شامل کرنے سے کشمیری تاجروں کو نقصان پہنچنے کا احتمال ہوسکتاہے)
اگریہ تجارتی تعلقات بغیر مرچوں کے ہوتیں تو شاید بحال ہونے میں تیکھا پن پیدا نہ ہوتا کیونکہ مرچوں کی لین دین کی وجہ سے پھرتیکھا پن شروع ہوا تو سرحد آر پار رابطے جو تقریبا ساٹھ برسوں کے بعد قائم ہونے لگے ہیں پھر مرچوں کے بھینٹ چڑھ سکتے ہیں۔
]]>اس سب کے بارے میں سوچ کر کئی سوالات سامنے آتے ہیں۔ کیا احتساب کے اس دیرینا سلسلے سے ان لوگوں کو کوئی تسلی ملےجن کے خاندان والوں کو ان کے سامنے قتل کر دیا گیا؟ اور کیا ان عدالتی فیصلوں سے طاقتور ممالک کے عالمی سطح پر کیے جانے والے فیصلوں پر کوئی فرق پڑے گا؟
اس قتل عام میں بہت سے مرنے والوں کی ڈی این اے ٹیکنولوجی کے ذریعے اب شناخت کی جا سکی ہے اور ان کی تدفین سے ان کے سوگواروں کو کچھ تسلی ملی ہے۔
جنرل ملادچ جیسے لوگوں کو مثال بنانا اپنی جگہ ٹھیک ہے لیکن یہ بھی یاد رکھنا چاہیے کہ ان کے بہت سے حامی اس خطے مں آج بھی موجود ہیں اور ان لوگوں نے برسوں تک ان کو اپنی حفاظت میں چھپا کر رکھا ۔ پھر یہ بھی یاد رکھنا چاہیے کہ سربوں کی جارحیت میں مذہبی قومیت اور شناخت کا پہلو اہم تھا۔ ان افواج کو مشرقی عیسائیوں کے روہانی پیشواؤں (اورتھوڈاکس چرچ) کی حمایت حاصل تھی حتی کہ یونان سے بھی بہت سے اورتھوڈوکس افراد اپنے عیسائی بھائیوں کے ساتھ لڑنے آئے تھے۔
ایسے جذبات کے حامی اب بھی اس علاقے میں رہتے ہیں۔ بوسنیا کے سرب الگ علاقوں میں رہتے ہیں، مسلمان الگ علاقوں میں۔ سکولوں میں نصاب الگ پڑھایا جاتا ہے۔ یہاں جنگ کے یہ زخم شاید صدیوں تک نہ ٹھیک ہو سکیں۔ اور اس کی ایک جیتی جاگتی مثال آپ کو ملک کے یتیم خانوں میں نظر آئے گی: اُن سینکڑوں بچوں میں جن کی ابھی تک سرکار نے کوئی شناخت نہیں کی ہے، کیونکہ یہ جنگ کے دوران بوسنیائی خواتین پر سربوں کے جنسی تشدد کا نتیجہ ہیں اور ان کی پیدائش کا ریکارڈ نہیں ہے لہذا ان کے پاس کسی قسم کے کوئی شناختی کاغذات نہیں ہیں۔
سب سے اہم سوال یہ ہے کہ ہم یعنی ہم انسان نفرت، خون ریزی اور ظلم کے سارے حدودو پار کرنے کے بعد پھر اپنی انسانیت پر واپس کس طرح آ سکتے ہیں؟ نفرت اور انتقام کے ذریعے یا پھر کسی طرح کی مفاہمت اور معافی کے ذریعے؟ تاریخ نے ہم کو کیا سبق سکھایا ہے؟
آخر حکومت کیوں صدر پاکستان آصف علی زرداری کے ایک ذاتی دوست جج کو سلیم شہزاد کے قتل کی تحقیقات کے کمیشن کا سربراہ بنانا چاہتی تھی؟ کیا اسے کچھ پوشیدہ رکھنا مقصود ہے؟ جہاں تک اخباری رپورٹوں کا تعلق ہے تو ابھی تک کسی نے بھی اس قتل میں حکومت کے ملوث ہونے کا شائبہ تک ظاہر نہیں کیا پھر اس رویے کا کیا مطلب ہے؟
ایبٹ آباد کمشین کی سربراہی سپریم کورٹ کے جج کے سپرد کرنا لیکن اس میں ایسی مینگنی ڈالنا کہ مذکورہ جج خود بھی اس کے قریب نہ جانے پائیں۔ اس حرکت کا کیا مطلب ہے؟
کیا یہ بات حکومت میں کسی کو معلوم نہیں تھی کہ چیف جسٹس کی مشاورت کے بغیر سپریم کورٹ کا جج اس نوعیت کے کمشین کا رکن بننا قبول نہیں کر سکتا؟ دل اور دماغ یہ دلیل تسلیم کرنے کو تیار نہیں ہیں۔ تو پھر مسئلہ کیا ہے؟ بات یہ بھی نہیں ہے کہ اسامہ بن لادن کی روپوشی کی ذمہ داری صدر، وزیراعظم یا کابینہ کے کسی رکن پر عائد کی جا رہی ہو۔
پھر حکومت ان معاملات میں خواہ مخواہ کے تاخیری حربے استعمال کر کے کسے بچانا چاہتی ہے؟ اور کیوں؟
]]>عدالتی حکم کے بعد وہ ایوان صدر میں سیاسی اجلاس تو منعقد نہیں کر پا رہے لیکن آخر اتنے بڑے محل میں کچھ تو کرنا ہے۔ باغبانی سے تو وہ رہے۔ لگتا ہے انہوں نے بھی پاکستان کی حالت بہتر بنانے کی حد تک ہتھیار ڈال دیے ہیں۔ وہ اب ایک نیا، غالبا چھوٹا اور زیادہ 'مینج ایبل' شہر آباد کرنے میں مصروف ہیں۔ ہر دوسرے روز وہ ذوالفقار آباد سے متعلق اجلاسوں کی صدارت کر رہے ہیں۔
اس نئی آبادی کا ماسٹر پلان اس سال کے اواخر تک مکمل کر لیا جائے گا۔ اس شہر کے لیے ضلع ٹھٹھہ کے ساحلی علاقے پسند کیے گئے ہیں۔ لیکن سرکاری بیان کے مطابق یہاں بیچز اور ٹرانسپورٹ کا جدید نظام ہوگا۔ مجھے بھی اس نئے شہر میں ایک پلاٹ چاہیے لیکن میری چند شرطیں ہیں۔
نمبر ایک: اثاثہ سمجھے جانے والے طالبان اور القاعدہ کو پلاٹ نہیں دیے جائیں گے۔
نمبر دو: یہاں سکیورٹی ادارے اپنے لوگوں کو نہیں ماریں گے۔
نمبر تین: بجلی/پانی چوبیس گھنٹے دستیاب رہیں گے۔
نمبر چار: مہنگائی قابو میں رہے گی۔
نمبر پانچ: انصاف سستا اور فوری ملے گا۔
نمبر چھ: تعلیم و صحت کی مفت سہولیات دستیاب ہوں گی۔
اگر یہ بھی باقی ملک کی طرح کا کوئی شہر ہے تو میں کم از کم دلچسپی نہیں رکھتا۔ پاکستان کو تو چھوڑ نہیں سکتا لیکن اس نئے شہر سے پناہ ہی بہتر۔
]]>