Blog C2 Feed

Uchafbwyntiau Cerddorol Chwe Mis Cyntaf 2014

Lisa Gwilym — Wed, 02 Jul 2014 06:29:50 +0000

Heno dwi am chwarae rhai o uchafbwyntiau cerddorol chwe Mis cyntaf 2014 ar y rhaglen.

Dyma fy 10 uchafbwynt hyd yma.

Ed Holden - Mr Phormula

1 Mr Phormula - Hip-Hop Cymraeg

Un o draciau gorau’r flwyddyn! Ar ôl cyfnod gweddol dawel i hip-hop Cymraeg, mi oedd hi mor braf gweld cymaint o leisiau gorau’r sin yng Nghymru yn dod at ei gilydd hefo Mr Phormula i greu trac llawn hyder a balchder!

Gruff Rhys

2 Gruff Rhys - Iolo

Mae American Interior Gruff Rhys yn cynnwys albwm, llyfr, ap a ffilm - ond dyma fy hoff beth i am y prosiect! Mae’r llinynnau, sydd wedi eu trefnu gan yr athrylith Gruff Ab Arwel, yn codi’r gân i uchafbwynt anhygoel ar ddiwedd y gân. Perffaith!

Ywain Gwynedd yn sgwrsio am ei albym newydd

3 Ywain Gwynedd - Codi Cysgu

Mae Yws yn ôl hefo’i ganeuon newydd cyntaf ers i Frizbee chwalu yn 2008. Mae’r albwm yn llawn dop o ganeuon bachog a riffs gwych. Ar ôl iddo wneud sesiwn i’r rhaglen llynedd, dwi mor falch ei weld o yn ôl - mae Yws yn sicr yn gwybod sut i sgwennu tiwn!

4 9 Bach - Tincian

Ail albwm 9 Bach - a chasgliad o ganeuon gwreiddiol cyntaf Lisa Jên. Erbyn hyn, mae 9 Bach wedi arwyddo i Real World Records (label Peter Gabriel) ac mae Lliwiau yn llawn caneuon hyfryd, bregus. Mi fydd Lisa, Mirain ac Esyllt o’r grŵp ar y rhaglen ar Orffennaf 16 i edrych yn ôl ar y cyfnod.

Casi

5 Merched ar restr fer Artist Unigol Y Flwyddyn yng Ngwobrau’r Selar

Mi oedd hi’n wych gweld tair o fy hoff artistiaid - Casi, Kizzy Crawford a Georgia Ruth yn llenwi rhestr fer Artist Unigol Y Flwyddyn. Mae’n braf hefyd gweld Casi a Kizzy yn rhan o brosiect Gorwelion - a dwi’n falch iawn clywed fod Georgia yn gweithio ar ganeuon newydd,

6 Klep Dim Trep yn atgyfodi!

Fe wnaeth prosiect diweddara Gruff Ab Arwel a Dafydd Owain - perchnogion label Klep Dim Trep - godi gwen, ond mi oedd y ddau grŵp a’r gerddoriaeth ddaeth o’r syniad (sydd lawer rhy gymhleth i’w esbonio yn fa’ma!!!) yn wirioneddol wefreiddiol. Ewch i wrando ar Saron a Bur Hoff Bau!

Al Lewis

7 Al Lewis Band - Heulwen O Hiraeth

Un o artistiaid mwyaf poblogaidd a phrysur Gymru - mae Heulwen O Hiraeth yn gyfuniad o ganeuon bachog gwreiddiol gan Al Lewis Ac Arwel Lloyd, a “cyfyrs” difyr fel Esmerelda / Y Dyniadon Ynfyd Hirfelyn Tesog, a Gwlith y Wawr / Big Leaves. Mae’r teitl drac - deuawd hefo Sarah Howells - yn fendigedig!

8 CAM1

Albwm aml-gyfrannog arbrofol, dywyll, gan griw gweithgar label Peski. Mae hon yn gwbl wahanol i unrhyw beth arall sydd wedi cael ei ryddhau eleni yng Nghymru, a ma’ gyfraniad Peski i gerddoriaeth amgen Gymraeg yn amhrisiadwy.

9 Senglau I-Ka-Ching

Dyma griw arall sy’n gwneud eu gorau i roi llwyfan i artistiaid newydd talentog, ac eleni mae I-Ka-Ching wedi rhyddhau senglau gwych gan Yr Eira a Y Reu. Ma’ ‘na sŵn cyfoes iawn i bopeth sy’n dod o stabl I-Ka-Ching, sy’n braf iawn ei weld.

10 Chris Jones

Mae Chris Jones yn un o artistiaid prosiect Gorwelion, a dwi wir wedi mwynhau ei weld yn perfformio ledled Cymru. Fe ges i’r fraint o gael awr yn ei gwmni yn ddiweddar, ac mae’n gerddor gwerin hynod dalentog a diymhongar. Edrych ymlaen at glywed ei albwm fydd allan yn fuan iawn.

Cystadleuaeth Brwydr y Bandiau 2014

Lisa Gwilym — Fri, 04 Apr 2014 12:07:53 +0000

Un o'r pethe dwi'n fwynhau fwyaf am gyflwyno ar C2 ydy medru rhoi sylw a chyfleon i fandiau ifanc hollol newydd - drwy chwarae 'demos', recordio sesiyne a chyfweliadau - ac, wrth gwrs drwy gyflwyno Brwydr y Bandiau!

Bob blwyddyn 'da ni - ar y cyd hefo'r Mentrau Iaith - yn cynnal Brwydr y Bandiau, ac yn rhoi'r cyfle i 6 o fandiau ifanc gael sylw a phrofiad! Mae'r wobr i'r band buddugol yn wych - y cyfle i recordio Sesiwn C2, gigio yn Maes-B, erthygl yng Nghylgrawn Y Selar, a llawer mwy.

Nos Fawrth a nos Fercher nesa mae'r rowndiau cyn-derfynnol yn cael eu cynnal - nos Fawrth hefo Ifan Evans a nos Fercher hefo fi! Mae 3 beirniad profiadol iawn am fod yn rhoi eu barn ar y bandiau; Griff Lynch o'r Ods, Ifan Davies o Swnami, a Branwen o Cowbois Rhos Btownnog a Siddi, felly mi fydd hi'n ddifyr iawn clywed eu barn... OND dim ond eich pleidlais chi fydd yn cyfri felly cofiwch wrando nos Fawrth a nos Fercher am 7pm i glywed y bandiau ac i fwrw eich pleidlais.

Pob lwc i'r 6 a chofiwch wrando ar sesiwn gan enillwyr y gystadleuaeth yn 2013 Y Ffug!

Lis!

Sesiwn C2 i Huw Stephens

Taith C2: Ysgol Bro Dinefwr, Campws Tregib

Taith C2 — Wed, 11 Dec 2013 08:57:50 +0000

Clipiau ac uchafbwyntiau Taith C2 Ysgol Bro Dinefwr - Campws Tregib.

Cliciwch i weld Oriel Luniau Ysgol Bro Dinefwr - Campws Tregib.

Band yr ysgol

Be sy ore? Rygbi neu bÃªl-droed?

Be ma'r criw moyn yn eu hosan 'Dolig?

Grwp Roc Ysgol Bro Dinefwr - Campws Tregib.

Taith C2: Ysgol Bro Dinefwr - Campws Pantycelyn

Taith C2 — Wed, 11 Dec 2013 08:47:25 +0000

Clipiau ac uchafbwyntiau Taith C2 Ysgol Bro Dinefwr - Campws Pantycelyn.

Cliciwch i weld Oriel Luniau Ysgol Bro Dinefwr - Campws Pantycelyn.

Taith C2: Ysgol Bro Dinefwr - Campws Pantycelyn

Band yr ysgol - Recliws gyda'r gan Ysgol

Ywain Gwynedd: 'Da Ni 'Nol

Lisa Gwilym — Wed, 16 Oct 2013 10:50:36 +0000

'Chydig dros 10 mlynedd yn ol, fe recordiodd band newydd sbon sesiwn C2. Dora Gusan, Ar Ol 9 a Ti (Si Hei Lw) oedd y caneuon ar y sesiwn, a'r band oedd Frizbee. Dros y blynyddoedd nesa, fe ddaeth Frizbee yn un o grwpiau mwyaf poblogaidd Cymru, gan fod yn brif fand Maes-B yn 2007 a chloi'r Sesiwn Fawr yn 2006.

Dros y blynyddoedd hefyd, fe ddaeth Ywain, Ows Goch a Jase yn dipyn o ffrindiau i ni ar raglen Lisa Gwilym, gan recordio 2 sesiwn acwstic go arbennig i Lisa oedd yn cynnwys "Heyla Lisa"! Yn anffodus, fe chwalodd y band ar ol rhyddhau'r trydydd album 'Creaduriaid Nosol'. Fe aeth Ows Goch ymlaen i fod yn aelod o Masters In France, ond doedd dim son am Ywian Gwynedd... tan rwan!

Mae'n bleser cyhoeddi fod Ywain Gwynedd wedi recordio 3 cân yn arbennig ar gyfer rhaglen Lisa Gwilym. Bydd y tracie yn cael eu chwarae am y tro cyntaf nos fory rhwng 7pm a 10pm, a bydd Yws yn dod draw i'r stiwdio am sgwrs. Dyma ryw ragflas o’r sesiwn. MAE’N WYCH!

Rhagflas o sesiwn C2 Ywain Gwynedd ar gyfer sioe C2 Lisa Gwilym.

Taith C2: Ysgol Llangynwyd

Criw C2 — Thu, 10 Oct 2013 13:49:32 +0000

Clipiau ac uchafbwyntiau Taith C2 Ysgol Llangynwyd.

Cliciwch i weld Oriel Luniau Ysgol Llangynwyd.

Ysgol Llangynnwyd: Rhydian a Rowan yn trafod rygbi

Ysgol Llangynnwyd: Xbox neu Playstation?

Band Ysgol Llangynnwyd: Carpion - Ffrind i mi

Taith C2: Ysgol Llanhari

Criw C2 — Thu, 10 Oct 2013 13:39:25 +0000

Clipiau ac uchafbwyntiau Taith C2 Ysgol Llanhari.

Cliciwch i weld Oriel Luniau Ysgol Llanhari.

Cyfweliad Ifan Jenkins Only Boys Aloud

Cyfweliad Shauna am ei campau nofio.

Sgyrsio gyda aeolodau band Llanhari 14.

Llygaid Cath gan Llanhari 14

Taith Ysgolion C2: Ysgol Gartholwg

Criw C2 — Mon, 07 Oct 2013 14:45:58 +0000

Clipiau ac uchafbwyntiau Taith C2 Ysgol Gartholwg.

Cliciwch i weld Oriel Luniau Ysgol Gartholwg.

Cyfweliad Trystan gan grwp Rachel

Jocs gan griw Ysgol Gartholwg

Atalnodi gan griw Ysgol Gartholwg.

Taith Ysgolion C2: Ysgol y Creuddyn

Criw C2 — Wed, 25 Sep 2013 14:26:39 +0000

Clipiau ac uchafbwyntiau Taith C2 / Ciwdod i Ysgol Y Creuddyn.

Cliciwch i weld Oriel Luniau Ysgol Creuddyn

Trac wedi ei recordio gan grwp Ysgol y Creuddyn.

Cwis y chweched, Ysgol y Creuddyn.

Disgyblion Ysgol y Creuddyn yn ateb y cwestiwn.

Cyfweliad gyda Miss Gwenno Williams o'r adran Ffraneg yn Ysgol y Creuddyn.

Cyfweliad gyda John o Ysgol y Creuddyn oedd yn arfer fod yn rhan o gwrs trochi.

Cyfweliad gyda Mr Eifion Williams o adran Chwaraeon Ysgol y Creuddyn.

Taith Ysgolion C2 - Ysgol Dyffryn Conwy

Criw C2 — Tue, 24 Sep 2013 13:29:53 +0000

Lluniau clipiau ac uchafbwyntiau Taith C2 / Ciwdod i Ysgol Dyffryn Conwy.

Cliciwch i weld oriel luniau Ysgol Dyffryn Conwy.

Pwy yw hoff artist Prifathro Ysgol Dyffryn Conwy?

Hoff Jocs disgyblion Ysgol Dyffryn Conwy

Ysgol Dyffryn Conwy - disgrifio Tomos Lloyd

Ysgol Dyffryn Conwy - Can Kilimanjaro

Trac gan grwp Ysgol Dyffryn Conwy.

Sut i fod yn gyflwynydd C2

Criw C2 — Thu, 19 Sep 2013 13:44:15 +0000

Dyma Ifan Evans gyda'i 'Top Tips' ar gyfer sut i fod yn gyflwynydd ar gyfer C2.

Ifan Evans sy'n roi 'Top Tips' sut i fod yn gyflwynydd C2.

Mae C2 Radio Cymru yn chwilio am gyflwynwyr a chyfranwyr ar gyfer rhaglen newydd sbon i bobl ifanc.

Gad i ni glywed dy lais – ebostia mp3 neu linc at c2@bbc.co.uk gyda enghraifft o beth alli di wneud!

Ti fydd llais diweddaraf C2?

Criw C2 — Fri, 13 Sep 2013 06:30:11 +0000

Cais am Lais C2

Mae C2 Radio Cymru yn chwilio am gyflwynwyr a chyfranwyr ar gyfer rhaglen newydd sbon i bobl ifanc.

Gad i ni glywed dy lais – ebostia mp3 neu linc at c2@bbc.co.uk gyda enghraifft o beth alli di wneud!

Huw Stephens yn sgwrsio gyda Shan Cothi a Daf Meredydd wrth i C2 chwilio am leisiau newydd

Guto Bongos ar raglen Ifan Evans

C2 - Ifan Evans — Tue, 21 May 2013 12:41:42 +0000

Yn ystod rhaglen Ifan heno ar C2 bydd yr Ap Feistr, Guto Bongos yn trafod apps yr wythnos.

Ymhlith yr apps heno mae Bambuser. Mae’r app hwn yn eich galluogi i gael ffrwd fideo byw o’ch ffon drwy ddefnyddio 3G neu WiFi, a’i rannu gyda’ch ffrindiau, eich teulu a’ch dilynwyr drwy’r byd !

Gallwch weld negeseuon, darlledu’n gyhoeddus gan ddweud ble rydych chi drwy GPS.

Rhwng 9 a 10 heno bydd modd i chi wylio Guto yn cyfrannu i raglen Ifan drwy ei sianel ef ei hun, a dyma’r cyfeiriad : http://bambuser.com/channel/gutobongos

Newyddion Brwydr y Bandiau

Criw C2 — Tue, 30 Apr 2013 08:31:09 +0000

Wedi cyhoeddi enillwyr Brwydr y Bandiau Mentrau Iaith Cymru ac C2 Radio Cymru daeth yn amlwg fod un o aelodau’r band buddugol dan 16 oed.

Camgymeriad gweinyddol ar ein rhan ni oedd y rheswm am hyn ac nid oedd bai ar y band, felly penderfynwyd na fyddai’r band yn cael ei ddiarddel o’r gystadeluaeth gan eu bod wedi ennill ar ragoriaeth eu perfformiad.

Ond er mwyn dangos ewyllys da tuag at y grwpiau a ddaeth yn ail a thrydydd ym Mrwydr y Bandiau y mae Radio Cymru wedi cynnig sesiwn recordio gydag C2 iddynt.

Gwefan brwydr y Bandiau

Trwbador ar raglen Huw Stephens

C2 - Huw Stephens — Wed, 10 Apr 2013 08:32:05 +0000

Owain o Trwbador oedd ar raglen Huw Stephens yn trafod yr albwm newydd 'Trwbador'.

Owain o Trwbador ar raglen Huw Stephens yn trafod yr albwm newydd.

Gwefan Trwbador