KALLATTIIN, Taphoota xumuraa Piriimer Liigii har'aa irratti maaltu eegama?

Haguuggii Tamsaasa Kallattii

1. Daqiiqaa 33 duraBuruunoo Fernaandez rikardii Heenerii fi Keevin De Bruun cabse

   Buruunoo Fernaandez rikardii kubba mijeessanii galchiif kennuu [Assist] Heenerii fi Keevin De Bruuniin qabamee ture cabse.

   Taphataa cimaa Piriimer Liigii 2025-26 tahuun kan filame Buruunoon kubba 21 mijeessee kenne. Amma rikardiin harka isaa galeera.

   Maanchister Yuunaayitid sadarkaa sadaffaan xumure. Kaarik Leenjisaa dhaabbii tahuun waggaa lamaaf qacarame.

2. Daqiiqaa 51 duraArsenaal, Maan Yuunaayitidii fi Tootenhaam dursaa jiru

   Maanchister Yuunaayitid carraa hirmaannaa Awurooppaa argachuuf kan tattaafataa jiru Biraayitaniin 2-0 dursaa jira.

   Arsenaal galchii G. Yesuusiin 1-0 K. Paalaas dursaa jira.

   Tootenhaam 1-0 Everteen dursaa jira. West Haam Piriimer Liigii keessaa bu'uun isaa waan mirkanaa'aa jiru fakkaata.

   Maanchister Siitiin Astoon Viilaa 1-0 dursaa jira. Gaardiyoolaaf tapha xumuraati.

   Boqonnaa booda qabxiileen kunneen jijjiiramuu malu.

3. Sa'aatii tokko duraTootenhaam carraa Piriimer Liigii keessatti hafuu jabeeffate

   Tootenhaam 1-0 Everteeniin dursaa jira. Kun ammoo West Haam Piriimer Liigii keessaa kufee Tootenhaam akka oolu gargaara.

   Gammachuun Tootenhaam guddaadha. Tapha saffisa guddaa qabu agarsiisaa jiru.

   West Haam bara dhufu Shaampiyoonshipii keessatti dorgoma. Sababa kanaa jiraattonni Landan gibira kaffalaa turan irratti itti dabalama.

   West Haam kaffaltii argachuu qabu waan dhabuuf istaadiyeemii itti fayyadamaa jiruuf kan kaffalu walakkaa isa ammaa qofadha.

   Kilebicha deeggaruuf jiraattonni gibira akka dabalanii kaffalan waliigaltee bara 2012 mallattaa'e jira.

4. Sa'aatii tokko duraTootenhaamii fi West Haam kufaatiirraa ooluuf tapha dhumaa taphatu

   Tootenhaam baranuma leenjisaa sadii qacare. Kufaatiirra ooluuf amma falmii jabaa Everteen waliin gaggeessa.

   Deevid Mooyes amma Everteen leenjisaa kan jiran kana duras West Haam leenjisaa waan turaniif kileba isaanii duraaniif oolmaa ooluu barbaadu.

   West Haam Liidsi mo'atee yoo Eveeteen Tootenhaam mo'ate qofa West Haam ooluu danda'a.

   Roobertoo Dizerbii erga Tootenhaam leenjisuu jalqabanii haamilee itti horaa jiru.

5. Sa'aatii 2 duraArsenaal taphattoota hedduu hin taphanneef carraa kennan

   Arsenaal erga waancaa mo'achuu baranii taphattoota takkaa wal faana hin taphanne hiriirsan.

   Sarara ittisaa irra Noorgaard, Mooskuweeraa, Hinkaappee FI Kaalafiyoorii taphachiisan. Sarar gidduu ammoo Lewis Iskeelii fi Zuubimandii, sarara duraa irra Maduweekee, Doowman, Gabri'eel Martineelii fi Gabri'el Yesus taphachiisan.

   Saalibaa, Magalesh, Raayis, Odeegaard, Eezzee, Yookores hin galle.

   Tapha PSG waliin qabaniif akka boqataniif Arteettaan kana murteesse.

6. Sa'aatii 4 duraWaancaa Addunyaaf buufanni taphattoota Iraan Meksiikootti jijjiirame

   Pirezidaantiin Federeeshinii Kubba Miilaa Iraan buufanno shaakala keenyaa Ameerikaa irraa gara Meksiikootti akka jijjiiramu FIFA'n murteesseera jedhe.

   Mehdi Taj gareen keenya magaalaa daangaa Meksiikoo fi US irra jirtu Tijuwaanaa buufata jedhan.

   Duraan gareen Iraan akka buufatan kan kennameefi Tuuksan, Arizoonaa keessa ture. Erga waraanni Ameerikaa fi Iraan jalqabee garuu akka jijjiiramuuf Iraan gaafataa turte.

   Dorgommicha Ameerikaa, Meksiikoo fi Kanaadaatu waliin tahuun qopheessa.

   Iraan ammoo Niw Ziilaand fi Beeljiyeem waliin Loos Anjelasitti, Masirii waliin ammoo Siyaatilitti akka taphatan karoorri baheera.

   Bakki jijjiiramuun FIFA'dhaan raggaasifamuu qaba. Garuu Iraan akka jettetti gaaffii dhiyeesineefi marii FIFA waliin taasifneen akka buufata taphattoota keenyaa jijjiiru nuu eeyyamameera jedhan.

7. Sa'aatii 4 duraTaphoota xumuraa Piriimer Liigii Ingilizii har'aa irratti maaltu eegama?

   

   Madda suuraa, Getty Images

   Arsenaal waggaa 22 booda waancaa Piriimer Liigii kaasa. Har'a dirree Kiristaal Paalaas, Sehurest Paark irratti gammachuu isaanii ibsatu. Waancaas fudhatu.

   Taphoonni kaan ammoo kamtu Awurooppaa Liigii gala kamtu ammoo Konfirensii Awurooppaaf darba kan jedhu murteessu.

   Arsenaal, maanchister Siitii fi Maanchister Yuunaayitid kallattumaan Shaampiyoonsi Liigiif darbuu warra mirkaneeffatanidha.

   Astoon Viilaanis waancaa Awurooppaa Liigii mo'achuu isaan darbeera.

   Garuu Aston Viilaan har'a mo'achuu fi mo'achuu dhiisuun kileboota lama moo tokkotu carraa Shaampiyoonsi Liigii dabalataa argata kan jedhu murteessa.

   Barnimooz, Biraayitan, Liiverpuul carraa qabu. Kun kan tahu yoo Maan Siitiin Astoon Viilaa mo'atee, Liiverpuul ammoo Bireentfoordiin mo'atedha.

   Yoo akkas tahe kileboonni Ingilizii jaha Shaampiyoonsi Liigiif darbu. Waliigalaan kileboota Ingiliziif kan eeyyamame kileboota shan ture.

   Astoon Viilaan waancaa Awurooppaa Liigii mo'achuu isaatu carraa kana bane.

   Barnimooz jahaffaan xumuruuf qabxii tokko argachuun isa gaha.

   Cheelsiin carraa Konfirensii Awurooppaa argachuu qaba. Yoo har'a Sanderlaandiin mo'ate qofaadha. Yoo kana hin taane Sanderlaandis carraa Konfirensii Awurooppaaf darbuu qaba.

8. Sa'aatii 4 duraAshamaa, Tamsaasa kallattii jalqabneerra

   Tamsaasni kallattii har'aa taphoota xumuraa Piriimer Liigii bara 2025-26 irratti hundaa'a.

   Nu waliin turaa.