KALLATTIIN, Mojtabaan "barnoota hin daganne" US barsiifna jechuun dhaadatan

Haguuggii Tamsaasa Kallattii

1. Sa'aatii 5 duraWaa'ee Liyoonel Mesii kana beektuu?

   Maxxansa YouTube irra dabri

   Qabiyyee Google YouTube hayyamtaa?

   Barreeffamni kun qabiyyee [social_media-site]n dhiyaatan qaba. Tarii 'cookies' fi teknolojiiwwan biraa fayyadamuu waan danda'aniif, osoo tokkoonsaa gadi hin buufamiin dura hayyama keessan gaafanna. Osoo hin simatin dura Google YouTubeimaammata cookies fi imaammata mateenyaa dubbisuu barbaadda ta'a. Qabiyyee kana ilaaluuf 'waliigaluun itti fufi' filadhu.

   Accept and continue

   Hubachiisa: Qabiyyee marsariitiiwwan alaatiif BBCn itti gaafatamummaa hin fudhatu. YouTube beeksisa qabaachuu danda'a.

   Xumura maxxansa YouTube

   Baarseloonaa waliin qofa waancaawwan 35 mo’ateera.

   Quucuraa taha, hojjaan isaa dheerachuu hin danda’u kan jedhameefi maatii harka qalleeyyii hojjettoota warshaarraa kan dhalate Liyoonel Andires Mesiin eenyu?

2. Sa'aatii 5 duraRaashiyaan haleellaa misaa'elaa Yukireen irratti raawwatte

   

   Madda suuraa, Reuters

   Raashiyaan hoomaa misaa'ela baalistikii magaalaa guddoo Yukireen, Kiiv irratti raawwachuun nama tokko yoo ajjeeftu yoo xiqqaate namoonni 14 madaa'uu aangawoonni himan.

   Pirezidantiin Yukireen Volodimir Zeleniskii haleellaa kanaan ''haleellaawwan jabaa baalistikii jabaa [Raashiyaan] raawwatte keessaa tokko'' jechuun ibsan.

   Waraanni Yukireen misaa'ela 41 itti dhuka'e keessaa 18 ofirraa qolachuu hime. Dirooniiwwan 108 illee qolatamuu beeksise.

   Gama kaanin, Yukireenis Raashiyaa irratti haleellaa itti fufteetti.

   Bulchaan bulchiinsa naannawa kibba-lixatti argamtu, Istaavropol, haleellaan diroonii Yukireen paarkii indastiriitti raawwate ibidda qabsiise jedhan.

   Raashiyaan loltoota waraana Yukireen irratti dhabde bakka buusuuf barattootatti dachaate

3. Sa'aatii 7 duraHogganaa Olaanaan Iraan US "barnoota hin daganne" barsiifna jechuun dhaadate

   

   Madda suuraa, Tasnim News Agency

   Hogganaa Olaanaan Iraan Mojtabaa Kaamenii, US irra deddeebiin waliigaltee dhukaasa dhaabuu sarbuun "mallattoon Tiraamp gatii akka hin qabne" agarsiisa jedhan.

   Mojtabaan ergaa kana kan dabarsan barreeffamaani.

   US waldhibdee kana hammeessuu feeti jechuun kan himatan hogganaan Iraan kun, Iraan Waashingtaniif "barnoota hin dagatamne qopheessiteefii jirti" jedhan.

   US fi Iraan waliigaltee waraana kanatti xumura gochuuf haala mijeessu kan mallatteessan Waxabajjii darbe ture.

   Gama US'tiin kan waliigalticha mallatteessan Pirezdant Tiraamp yoo ta'u gama Iraaniin Piredantii biyyattii Masuud Pezeshkiyaan turan.

   Haa ta'uu malee, garaagarummaa torbaanotaa keessatti biyyootni lamaan waldhibdeetti deebi'an.

   Tiraamp torbee darbe gaafa Roobii waliigalteen yeroo "dhumateeraaf" jedhan.

   US irra deddeebiin waliigaltee dhukaasa dhaabuu sarbuun kan himatan Mojtabaa Kaamenii, kun dhugaa qabatamaa tokko agarsiisa jedhan; Mallattoon pirezidant Donaald Tiraamp "gatii akka hin qabnee fi amanamummaa akka hin qabne agarsiistuudha" jedha.

   "Amma diinni US waldhibdee kana hammeessuu barbaadaa jira, kanaanis gatii guddaa baasuu fi salphinatu ishee eeggata. Biyyi kabajamtuun Iraanii fi Addi Reeziztaansii barnoota hin dagatamne qopheessaafii akka jiran beekuu qaba" jechuun ergaa TV irratti dubbifameen akeekkachiisan.

   Mojtabaa Kaameniin eessa jiru?

4. Sa'aatii 7 duraIspeeniifi Arjantiinaa keessaa eenyutu injifata?

   Ispeen fi Arjantiinaan guyyaa har'aa Waancaa Addunyaa ol kaasuf wal morkatu.

5. Sa'aatii 8 duraYugaandaan balaa konkolaataa barattoota 20 fixe booda daawwannaa barnootaa dhaabsifte

   

   Madda suuraa, Reuters

   Mootummaan Yugaandaa balaa konkolaataa Kamisa darbe barattoota 20 fi ga'eessa tokko lubbuu galaafate booddee daawwannaa dirree barattoonni godhan dhaabsifte.

   Barattoonni sun daawwannaa barnootaaf awutoobisaan bahanii Kamisa waareebooda balaan mudate.

   Hojjettoota mana barnootaa dabalatee hedduun isaanii madaa'an. Balaan kun Baha Yugaandaa naannoo bulchiinsa Kaapchorwaa keessatti mudate.

   Qorannoon sadarkaa duraa akka agarsiisutti konkolaachisaan hallayyaa Chekwaatit gahee to'annoon dhabuu isaan dura atoobisii isaan feete rakkoon makaanikaalaa mudatee ture.

   Naannoon balaan kun itti mudate balaan irra deddeebiin itti mudatu ture jedhu aangawoonni.

   Yugaandaatti waggaa waggaan balaa tiraafikaa namoota kumaatamaan fixa. Balaan barattoota daawwannaa dirreef bahan mudate kun kan baranaa keessaa isa sukkanneessaa dha jedhame.

   "Of-eeggannoo battalaaf jecha, nageenya joollee keenyaaf waan tokko gochuu qabna," jedhan Ministiirri Barnootaa Yugaandaa Joon Kirisostom Muyingoo,

   Hanga qorannoon guutuun xumuramutti qajeelfama yeroo imala daawwannaa barnootaa labsan.

   "Biyyattii kasaaraa guddaatu mudate, kanneen balaa kanarraa hafan akka dafanii damdamatan harka wal qabannee akka hojjennun nan barbaada," jedhan.

   Dubbii himaan poolisii tiraafikaa Maayiki'il Kanaanuraa waan Kamisa darbe uumamerratti ibsa kennaniiru. "Konkolaachisaan to'annaa dhabuun, dhakaa guddaa daandii cinaa jiru tokko rukutee akka garagale gabaafameera," jedhan.

   Awutoobisiin barattootaa Mana Barnootaa Sadarkaa Tokkoffaa Kiing Daawit jedhamuu kan Nideejee irraa ka'e, galgala naannoo sa'aatii 8:00 ganda Cekwaatiititti balaa kanaaf saaxilame jedhameera.

   Barattoota 20 fi ga'eessa tokkotu lubbuun darbe akka ministeerri barnootaa biyyattii himetti.

6. Sa'aatii 8 duraWebsaayitii Pirezidantii Keeniyaa Wiiliyaam Ruutoo irratti haleellaan saayibarii raawwatame

   

   Madda suuraa, Websaayitii Waajjira Prezdantii Keeniyaa

   Websaayitii waajjira Pirezidantii Keeniyaa Wiiliyaam Ruutoo irratti Sanbat-duraa haleellaan sayibarii irratti raawwatame.

   Haakaroonni websaayiticha butan immoo ergaa pirezdanticha salphisuu fi arrabsu irratti maxxansan.

   Haakaroonni websaayiticha bakkatti deebisuuf dolaara Ameerikaa bitcoin 5 ykn 320,000 ta’u gaafatanii jiru.

   Websaayitiin waajjira pirezdanti Ruutoo kun hanga ammaa bakkatti hin deebine. Ergaa: “Dhihootti deebina” jedhu qofa agarsiisa.

   Ergaan weebsicharratti hafe shilingii Keeniyaa tilmaamaan miliyoona 41 gaafateera, akkasumas yoo maallaqni sun kaffalamuu baate ragaalee mootummaa iccitii ta'an gadhiisuuf doorsisaniiru.

   Aangawoonni Keeniyaa dhimma haleellaa kana irratti ammatti yaada hin kennine.

   Gochi kun erga haleellaan saayibarii guddaan Sadaasa 2025 keessa raawwatee ji'oota muraasa booda irra deebiin dhagahame, yeroo sanatti websaayitiin ragaalee mootummaa hedduun miidhamanii turan.

   Aangawoonni kun gocha qindaawaadha jedhanii turan.

7. Sa'aatii 9 duraMorkii Kophee Warqee - Imbaappeen dursuu eegale, Meesiin jalaa fudhataa?

   

   Madda suuraa, Getty Images

   Waancaan Addunyaa guyyaa har'aa morkii Arjantiinaafi Ispeen gidduutti taasifamuun xumurama.

   Wal morkii kanaan walqabatee eenyutu abbaa Kophee Warqii ta'a kan jedhus ni eegama.

   Lammiin Faransaay Kiliyaan Imbaappeen tapha sadarkaa sadaffaan xumuruuf Ingilaand waliin taasisan irratti 4fi 6'n mo'amanis galchii lama galcheera.

   Imbaappeemoo Mesiitu fudhata?

8. Sa'aatii 9 duraGareen Itoophiyaa Waancaa Addunyaaf maa darbuu dide?

   

   Madda suuraa, Getty Images

   Har'a cidha guddaatu jira - Wal morkii Waancaa Addunyaa Ispeen fi Arjantiinaa gidduutti.

   Itoophiyaan takkaa Waancaa Addunyaarratti hirmaattee hin beektu.

   Garuu, hirmaachuuf fiixeerra geessee beekti. Itoophiyaa qofa miti biyyoonni ummata hedduu osoo qabanii wal tajjii guddaa kanarraa dhabaman jiru.

   Kami isaan? Gabaasni guutuu kunooti.

9. Sa'aatii 9 duraAshamaa!

   Tamsaasni kallattii BBC Afaan Oromoo guyyaa Dilbataa eegale.

   Odeessaalee karaa Marsariitii, YouTube, WhatsApp, Facebook fi TikTok keenyaa argachuu dandeessu.

   Lafa nagaa oolaa!